氣噗噗

Open Now

Now Closed

今日同朋友做完運動一齊去左食台式火鍋。去左馬鞍山新港城中心嘅氣噗噗台式火鍋店。餐廳都幾大，有鴛鴦鍋同一人一鍋嘅枱可以選擇，符合唔同食客嘅要求。十全排骨湯有驚喜，藥膳味香濃順口，仲非常足料，健康湯底首選。尚品嘅任食有幾款牛，羊肉，豬肉等。丸類，台式熟食，飲品任飲，仲有甜品雪糕。第一轉叫左兩款牛，我地推薦牛板鍵腱，肉帶少少筋，火鍋黎講厚度剛好，食落都幾有牛味，唔會太韌。羊肉唔羶，肉質都唔錯，幾好食。熟食選擇比想似中多，仲充滿台式口味三杯雞，雞肉幾嫰，調味啱啱好，食落惹味。脆皮腸，外脆內juicy,真係好有台灣夜市嘅風味！仲有好多滷水小食，滷蛋，滷豆腐等等，好入味。仲有海鮮可以揀，帶子，魷魚，青口等等。我地試左帶子，味味都幾鮮，魷魚爽口，而且唔腥，唔錯。跟餐有兩杯台或飲品，一杯叫左仙草奶茶去冰去甜，另一杯叫左檸檬愛玉蜂蜜綠茶。仙草奶茶香滑，仙草清新解膩。檸檬愛玉蜂蜜綠茶，綠茶回甘味幾重，蜂蜜甜度啱啱好，配埋檸檬同愛玉，同樣好啱配火鍋解膩解渴。餐廳多選擇，店員服務有禮，鐘意火鍋都係個好選擇氣噗噗。

新港城出現咗呢間台式火鍋，個名叫做「氣噗噗」，都幾得意，唔知係咪台語呢？環境都非常之寬敞，座位都好多，價錢分好多種，有90分鐘，100分鐘，120分鐘等，都有唔同價錢，亦都有套餐價錢，加錢亦都會有特式飲品，好似珍珠奶茶之類。湯底都有好幾種選擇，揀咗兩個較為清淡嘅湯底：一個豚骨湯，一個白肉湯，湯底會偏向較鹹，所以醬料亦唔需要點太多，呢度醬料要有嘅，基本上都係齊全嘅。叫咗一個較經濟嘅牛肉，效果亦都唔差，唔會太肥膩，薄薄嘅牛肉片好快就熟透可以進食，不過啲牛肉就有啲似豬肉片嘅顏色😂豬肉片更加欣賞，好有豬肉味，好滑。因為係台式火鍋，所以都有一啲台式小食好似台灣腸、鴨血、滷味、鹽酥雞、芋丸甜品等等。火鍋配料都有好多選擇，基本嘅菜，如：南瓜、蕃茄、芋頭、生菜丸類、甜品等等全部都好齊備，亦都好新鮮，更有台灣水蓮菜，食物擺放得非常整齊、乾淨，食得好放心。飲品選擇都唔少，亦都有一般經常見到台灣嘅飲品好似冬瓜茶咁樣。我最欣賞嘅都係佢嘅炸粗生地瓜條，非常非常好味。又是飽飽的一餐喔✌️👍

今日同朋友嚟馬鞍山冒險樂園玩玩完超級開心 就到隔離呢間台式火鍋好似新開冇耐 都想試吓嘢食如何佢有三個套餐 分別在於價錢、時間、品數精選90分鐘/尚品100分鐘/殿堂120分鐘因為品算好餓 所以揀咗尚品100分鐘- - - - - - - - - - - - - - - - - - - - - - - -1. 尚品。吃到飽(100分鐘)湯底就有8款 部分湯底係要加錢可揀一人一個小鍋 或者一個大鍋最後揀咗大鍋 因為大鍋先有鴛鴦湯底我哋想食台灣麻辣鴨血湯&香濃番茄湯比起精選90分鐘 呢個套餐多啲肉款牛肉/豚肉都有升級 仲多咗羊肉添～嫩肩里肌肉、特選牛板健都係常見肉片兩者望落都有少少脂肪紋理 切到好薄放入個鍋幾秒就熟 肉質軟嫩 好有牛味如果想食好啲要揀殿堂有和牛食同埋呢個套餐炸物多啲 都有6款其中覺得黃金流心芋泥球幾好食外層炸到好脆 咬開就有好多綿密芋泥同埋急住流出嚟嘅鹹甜蛋黃流心個餐有埋海鮮(墨魚滑同水魷)都算幾好墨魚滑質感好滑順 成條咁上 想落幾大就幾大粒放入湯底都係好快就熟 淥完仲會吸晒湯底食落覺得好有咬口同埋彈牙 重點可以無限咁叫唔夠出面仲有其他火鍋配料 任食自助吧逾50款台灣經典小食

～🍽: 氣噗噗 (馬鞍山)========================‼️: 星期六日同公眾假期每位加$10📅 特別日子加$20💰=========================⬇️⬇️⬇️食評⬇️⬇️⬇️極尚。吃到飽🍲🥩(120分鐘) ($308)🐹: 🌕🌕🌗🌑🌑🐼: 🌕🌕🌕🌑🌑自助區火鍋配料嘅種類雖然唔算多😂😂但係都算可以滿足基本要求~有菇類🍄、菜🥬、丸類🍡等等 反而熟食區會比較有驚喜🤩🤩全部都係台式小食🤍🤍有滷肉飯🍚、關東煮🍢、滷豆腐…..仲有部夜市同款嘅烤腸機✨✨飲品嚟講正正常常☑️有汽水機🥤同埋咖啡機☕️另外仲有幾款罐裝台式茶飲🫖🍵—————————M9霜降和牛🥩上枱嘅時候睇落幾靚😍😍每片都大大塊💖💖和牛油脂分布均勻✨✨唔會太油膩🤤🤤食落肉質纖細🥩🥩雖然牛味就唔算重🤔🤔整體嚟講唔錯🫶🏻🫶🏻—————————特選牛板腱🐄牛肉脂肪相對霜降和牛少好多🐮🐮肉質扎實💪💪牛味嚟講就普普通通啦🙈🙈因為食落feel到有筋(係咬得開嗰隻😂)所以整體口感比較爽脆~—————————豬頸肉🐽食落幾爽口⚡️⚡️ 肉質唔會話好實🐷🐷 整體嚟講都唔錯👍🏻👍🏻 不過由於比較厚身嘅關係就要點豉油先夠味喇🧂🧂———————

由於屋企人喺馬鞍山住嘅關係，所以間唔中都要入去，今日決定同屋企人喺呢度食完飯我先返去去咗一間台式打邊爐放題，真係好滿足！一入去，就被食物的多樣性吸引到價錢唔算太貴，總括嚟講都幾合理牛肉 牛肉有幾個價錢嘅選擇，今日我哋呢個係中級，好似係牛版鍵位，牛肉切得好薄，煮熟後嫩滑，搭配少少蒜蓉醬，味道更上一層樓！ 豆腐 豆腐吸收了湯底的精華，滑滑的口感，加上少許辣醬 亦都有唔同新鮮嘅青菜，煮熟後色香味俱全，清爽之餘又能平衡油膩。 自助區更加有唔同嘅丸類，魚丸彈牙，湯底煮出來的味道都好濃郁，係打邊爐必不可少的一樣。 I

今次買最平嗰個餐 不過發覺已經冇咁好味，今次嘅熟食比較差，三杯雞都冇refill 好似得啲濕濕碎碎，個蛋都好似冇上次咁新鮮比較硬今次啲嘢冇咁新鮮，連啲菜都係 不過今次多人啲嚟呢度最正係一入去可以食前菜原來呢個先係五花肥牛 仲以為呢個係豬，不過牛同豬呢個質素都唔麻麻哋好食我哋都會再嗌，反而嗌咗兩次花雕雞今次揀牛骨喎 不過牛骨好硬食唔到的食咗好多蔬菜！最好味係新竹米粉！好幼細半透明口感勁好，唔知係邊度買係咁食前菜，男朋友就話最好味係洋蔥圈甜品唔錯，平平哋$300兩個人OK啦

今日嚟咗馬鞍山呢間台式火鍋度打邊爐 見佢新開又有唔同嘅優惠 好似送贈特色食品咁 就決定試下啦 另外午市$128起 設小童同長者價 打邊爐嚟講價錢都唔算太貴!呢度分別有三個set 精選90分鐘 尚品100分鐘同殿堂120分鐘 最後我地就揀咗尚品100分鐘嘅set 仲會送指定氣噗噗台飲1杯添湯底方面就要咗十全排骨湯同香濃蕃茄湯 排骨湯有大量嘅杞子仲有排骨 係好滋補嘅藥膳湯底 蕃茄湯就好濃郁除咗本身包嘅雞牛豬羊 呢個set仲包墨魚滑 爽脆水魷魚 滷水豬大腸同豬耳 迷利生煎包 黃金流心芋泥球 冰烤蕃薯同黃金雞球 而我地都係主攻牛肉 最鍾意就係嫩肩里肌肉同特選牛板健 有牛味得嚟又唔會太過肥膩 相對之下牛五花油脂就會較多 自助區亦都超過50款台灣火鍋必食配料 仲有關東煮 滷水小食 飲品 甜品等等 飲品仲提供外帶 有全系列台灣手搖飲品 (珍奶 水果茶 奶蓋) 我地就叫咗檸檬愛玉蜂蜜綠茶同荔枝蘆薈紅茶 清爽得嚟又可以解膩 呢間台式火鍋簡直係一間被埋沒嘅台式手搖店!

7PUPU地址： 馬鞍山鞍祿街18號MOSTown新港城中心(5期)2樓2724-30號舖每次上枱嘅肉類質素保持到 前後嗌咗四 五次牛類 每次水準一樣唔係頭一兩次質素OK 之後慢慢比次貨尚品嫩肩里肌肉！ 好食！如果想坐卡位嘅話要注意 變咗唔係每人一個鍋揀咗 十全排骨湯 & 養生藥膳鷓鴣湯感覺打邊爐得來好健康 藥膳湯底好好飲排骨亦都好入味 清甜可口晚市火鍋吃到飽 尚品100分鐘 成人$238每人送一杯台式飲品尚品嫩肩里肌肉 特選牛板健 嚴選豚五花羊卷肉 墨魚滑 爽脆水魷魚滷水豬大腸 滷水豬耳迷你生煎包 麻辣鴨血地瓜薯條 黄金流心芋泥球冰烤番薯 黄金雞球吃到飽火鍋包括任食自助吧逾50款台灣經典小食、滷水、關東煮甜品 雪糕 咖啡機 汽水機應有盡有

平時冇咩人都驚呢度食物質素唔好，因為都真係地方好大，但係比較少人 我見佢價錢又實惠以為係伏原來一直誤會咗佢，質素非常好，性價比高！同男朋友嚟試吓呢間，因為想食多啲又唔想食咁貴，馬鞍山好多嘢都食過咁就試吓呢間入面勁多嘢食！我哋揀咗$178嗰個set，有100分鐘同埋多少少款式肉類， 但係非常好，呢度唔會話趕住你走早好多要截單！而且店員服務都好勤快，因為人多變咗VIP🥰好鍾意食佢啲熟食，好肚餓嘅話唔使等啲嘢食熟直接出去拎 滷水蛋質素都好好好多唔同款式嘅菜，呢度就有啲即食涼拌 鍋底都好有誠意啵牛骨湯底真係成條牛骨，蕃茄湯就好濃郁！貴啲嘅牛同埋羊都好味，平價嗰兩款就普通冇咩味平價餐嘅醉雞件都好有花雕味 值得一讚甜品仲有芝麻糊，涼粉，同埋雪糕！全部質素都好好 以後會嚟食哈哈

有人推介俾我同朋友今日去馬鞍山新港城中心氣噗噗台式火鍋專門店食晚飯，佢話這間火鍋店係有好多好味好食嘅火鍋材料，店內裝修型格時尚， 環境充滿台灣風味，加入搞怪台語文化，十分適合打卡，還有台灣各地區車站牌如台北、台中、台南作為卡座名字，真係好似去咗台灣食嘢。這間晚市火鍋真係令人吃到飽，精肉不斷，鮮蔬冇限，鍋料多元，湯頭精粹，火鍋餐牌有三個套餐，有精選90分鐘、尚品100分鐘、殿堂120分鐘，每一份食品數量不同，基本上都有牛豬雞肉，而且價錢又唔貴，尤其是尚品同殿堂仲有贈送台式飲品一杯，我哋都肚餓就揀咗尚品100分鐘來食到飽。尚品100分鐘套餐嘅肉類有尚品嫩肩里肌肉、特選牛版健、嚴選豚五花、羊卷肉、精選牛五花、上等豬梅花、嬤嬤花雕醉雞，海鮮有墨魚滑、爽脆水魷魚，小食有滷水豬大腸、滷水豬耳、迷你生煎包、黃金雞球、冰烤番薯、黃金流心芋泥球，樣樣仲可以免費追加，不停咁叫來食，真係食唔飽都好難。餐牌上湯底嘅相片望落都好吸引，樣樣都好味，有八種湯底選擇，有辣味嘅台灣麻辣鴨血湯、有濃味嘅十全排骨湯、有菌味嘅健脾鹿茸菌湯、有藥味嘅養生藥膳鷓鴣湯、有豬肉味嘅中華豚骨湯、有開胃酸味嘅酸菜白肉湯、有牛肉味嘅滋味牛

# 氣噗噗 台式麻辣火鍋 食評這裡以吃到飽套餐而聞名，不僅可以任食各種火鍋食材，還會送上一杯香濃的台式珍珠奶茶，讓人一進門就感覺到滿滿的台灣熱情。## 湯底氣噗噗的湯底選擇多樣，最受歡迎台灣麻辣鴨血湯。這款湯底的鴨血份量十足，入味的湯頭讓人一口下去就感受到微麻的香氣，十分過癮。而十全排骨湯則以其濃郁的藥材味著稱，喝上一口仿佛能感受到身體的每一個細胞都在被滋養，特別適合想要補身的人。## 食材推薦在火鍋的食材中，尚品嫩肩里肌肉和特選牛板健絕對是必點的選擇。這兩種牛肉鮮嫩多汁，肉質優良，性價比極高，讓人吃得心滿意足。此外，墨魚滑和爽脆水魷魚也非常值得一試，前者滑順彈牙，後者口感鮮脆，兩者相互輝映，令火鍋更加豐富多彩。而黃金流心芋泥球則是甜品中的亮點，外脆內軟，流心的芋泥令人驚喜，甜而不膩。## 台灣夜市風味氣噗噗也不忘帶來台灣夜市的風味，**滷肉飯**和**鴨血**都讓人想起那熟悉的街頭味道。滷肉飯的醬汁濃郁，搭配白飯簡直是絕配，讓人一口接一口。而鴨血則在麻辣湯底的加持下，將麻辣的滋味發揮得淋漓盡致。## 甜品最後，不能錯過的當然是**芋圓雪糕**，這是氣噗噗的特色甜品，芋圓的Q彈口感搭配

最近呢間火鍋店宜家做緊全日半價，只需$259/位就無限追加A5和牛！好抵食！另有30款美食吃到飽。我地揀了鴛鴦鍋：十全排骨湯底及牛骨湯底，濃湯底濃郁由足料。出面自助區超過50款台灣火鍋必食配料： 午市$128起，設小童/長者價；飲品仲可以外賣。A5和牛吃到飽餐，A5和牛的油花分佈均勻，肉質夠厚，每一口都充滿濃郁的牛肉香氣。除了A5和牛，還可以品嚐到殿堂級霜降和牛及安格斯牛小排，一定回本！除了和牛，餐廳還有多款肉類選擇，包括爽滑牛骨髓、嫩肩里肌肉和特選牛板腱等。每款肉類都有其獨特風味，特別是嫩肩里肌肉，肉質細膩，味道非常濃郁。此外，還有嚴選豚五花和羊卷肉，這些豬肉和羊肉的質素也不錯。海鮮方面，有原隻海虎蝦和鯛魚下巴是等。其他特色菜如墨魚滑、爽脆水魷魚和滷水系列（滷水金錢肚、滷水雞翼尖等）亦非常值得一試。餐廳的小食亦相當吸引，如香炸單骨雞翼，外脆內嫩。甜品方面，黃金流心芋泥球和冰烤番薯都幾好。叫呢個餐，每位客人可免費獲得一杯台式飲品，我哋選擇了黑糖珍珠奶茶和百香椰果水果茶。黑糖珍珠奶茶甜而不膩，珍珠煙韌，而百香椰果水果茶則清新有果香。

行過見到A5和牛全日半價，加埋兩個人先五百幾蚊，平時食普通放題打邊爐都要呢啲價錢 。呢個價錢可以試晒全間鋪唔同款嘅牛肉同配料 。鍋底方面唔使加錢可以揀鴛鴦鍋，試咗藥膳鷓鴣湯、酸菜白肉湯 。湯底唔算好濃味，中規中矩。每人包咗杯台式飲品，揀咗杯檸檬愛玉蜂蜜綠茶、荔枝蘆薈紅茶，係出街嗌嘢飲嘅質素，計落又好似再抵左 。最出色係啲牛肉，好多時台式火鍋放題敗筆都係牛肉切得比較薄，食唔出肉嘅質感 。今次叫咗幾款肉都唔會切得太薄，食落有口感 ，同埋會分到每款牛有咩唔同 。A5和牛非常大片，記得唔好淥太耐，雖然唔係靚到入口即溶個隻，但好有滿足感 。霜降牛油花好重，比較軟腍 。牛小排油花比霜降牛再少啲，冇咁易食膩 。出面有大量嘅蔬菜同配料自己揀，仲可以QR code落單。推薦單骨雞翼、鱔片、蝦、萵筍、年糕 。最後好想讚吓啲店員，幾個都好細心同有禮貌，加湯會提我哋小心彈到，又會主動俾多兩對筷子我哋夾生肉，仲會主動俾紙巾 。

最近試咗馬鞍山呢間新開嘅台式火鍋店，以放題形式用餐，晚市最平7:30前離座只需要$168就可以任食90分鐘😋我哋今次試嘅係中間level嘅尚品，每位成為$238可以食100分鐘，仲送一杯台式飲品，可以揀珍珠奶茶㗎😍好欣賞餐廳可以免費揀鴛鴦鍋我哋揀咗酸菜白肉湯同蕃茄湯。兩款湯底味道都好濃郁，基本上唔使點醬汁就好夠味。餐廳嘅自助區選擇好多，由前菜、小食、主食、火鍋配料去到飲品、甜品都好豐富。因為係台式火鍋，所以有好多台式小食，例如去夜市必食嘅烤腸、關東煮、麻辣鴨血、台式滷水等等，應有盡有，仲有肉燥飯任食可以自己任加肉燥😋火鍋配料方面同樣都好豐富，平時食開嘅火鍋配料呢度都有齊，蔬菜同丸類任食，比較特別嘅係呢度有蛋餃，用蛋取代咗餃子嘅皮，坊間比較少見。另外唔少得台式火鍋必備嘅米血糕。最令人驚訝嘅係呢度仲有苦瓜，真係第一次見打邊爐淥苦瓜🤣肉類方面都係scan QR code落單，呢個價錢已經有齊晒豬牛羊雞任食，肉質都唔差㗎，肉類嘅顏色都好鮮艷，唔係嗰啲雪咗好耐嘅肉，肉質都唔錯，唔會鞋。除咗肉類之外，仲有一啲特別啲嘅小食都係scan QR code落單，包括芋泥球、冰烤番薯、迷你生煎包、黃金雞球等

今日同屋企人黎試吓呢間台灣火鍋—氣噗噗，一入到去見到周圍充滿台灣特色，店員好有禮貌細心地講解，可選一人一鍋（坐中間的位置）或者鴛鴦鍋（坐卡位），我哋揀咗鴛鴦鍋，當然揀左我最鍾意嘅麻辣鴨血鍋同埋我屋企人唔食辣既養生藥膳鷓鴣湯，有三種任食套餐，我地叫左「精選·吃到飽」。叫完我就出去拎醬料同睇吓任食區有咩食，任食區超過50款食物，沙律吧有涼拌👍炸物區：洋蔥圈、炸雞粒、炸餃子，有幾款唔同顏色嘅沙律醬可配，非常特別，仲可以任食麻辣鴨血，關東煮、台灣香腸，滷水豆腐、滷水蛋、仲有香菇滷肉配飯，免費飲品有罐裝嘢飲同汽水，都好多選擇。「精選·吃到飽」牛五花、豬梅花同花雕醉雞，肉質色澤非常靚，鮮嫩可口，地瓜薯條炸到金黃色脆卜卜食唔停，最後就食我最愛嘅甜品，每款揀咗一樣嚟試，不過不失，芒果雪葩有驚喜，再配埋愛玉同仙草，簡直一流。總結台灣火鍋嚟講都好出色，而且種類好多，值得一試