喀什米爾咖喱屋

Open Now

Now Closed

深水埗除咗2間電腦商場出名買電腦配件外，周圍仲有好多好嘢食，一場嚟到，當然唔會買完就走💪今晚揀咗一間由南亞裔主理嘅食店，食店面積很小，只得十多個座位，亦無阻它的受歡迎。分別點左牛肉卷餅、咖喱羊肉、串燒雞柳。牛肉卷餅$20熱辣辣牛肉卷餅，一啲都唔嚡口，而且充滿孜然粉及小茴香的一香味。串燒雞柳$55這個是由熱辣辣的鐵板盛著上枱，雞胸肉雖然被紅色的香料醃製，可不是辣椒，而且肉質都算嫩，唔會有柴皮感覺。咖喱羊肉$65每口咖哩充滿香料味道，辣度啱啱好，羊肉食落冇羶味，配埋薄餅冇得頂。