Eiffel Bistro (Under Renovation)

老細食鱔日記🪱7 孖劇停話要見客，個客話想食法國餐，食鱔老細🪱聽到即刻話no。話貴夾唔飽，個客實係扼飲扼食。老實講，搵生意既野真係話唔埋，但係如果只係講法國菜，其實都有好多好味又唔貴嘅選擇。好似呢間餐廳咁，唔貴又正宗唔失禮。 🍖頭盤沙律，焗田螺同凍肉批，夠晒正宗啦!田螺放係典型器皿再加入大量香草青醬同橄欖油去焗，香氣四溢又唔會漏。而且個醬用黎查嗰法包又係一絕。肉批以豬肉同鴨肝分明間隔，口感分明又有層次，而且互相融和。 🍖主菜係ravioli 同牛扒。Ravioli 係偏向意式，但係分量十足，相比一般餐廳，佢好以有超過十隻。個皮有强烈芝士味，配合入面既肉函，仲有面頭好多菠菜同乾蕃茄，健康又足料。牛扒有好强既炭火燒烤既味道，唔係林滑個種，係肉味濃，有咬感但冇渣個種。炭香真係令人齒夾留香。 🍖甜品又係法式經典，蘋果crepes 配云尼拿雪糕，餅皮軟糯唔黏口，蘋果爽脆，互相配合，而雪糕絕對係融合兩者既媒人。 真係好想帶食鱔老細黎呢度，佢係富三代，慳皮既性格令公司呢幾年生意非常平穩，新生意基本係零，好彩佢伯爺既舊客念舊。其實佢只要適當物色，唔難揾到好既餐廳同客户。