山城小麵 (懷仁街) (Closed)

估唔到大埔都有咁正宗嘅四川菜。呢間鋪頭門面細細，入邊裝修好靚坐得好舒服。性價比超高。面嘅款式大約有十種。有受歡迎嘅紅燒牛肉麵，排骨麵，肥腸麵等等。怕辣嘅人士亦可以選擇清湯。湯底亦好夠甜。只係用豬骨熬出來嘅湯底。面嘅選擇，有粗麵幼麵。刀削麵，薯粉米線。辣到分別有大中小微辣清湯。而小食方面亦有，尖椒皮蛋。手撕雞。我哋就點咗排骨面同埋紅燒肥腸麵。叫左粗麵小辣，粗麵身好煙韌，軟硬適中好有咬口。而黃金皮蛋，亦好好食。排骨好淋好入味。青瓜亦好爽口夠曬新鮮。推介蒜泥白肉。蒜泥夠曬多，配上白肉食，夠曬惹味。甜品點咗，養生銀耳羹同埋紅糖冰粉。冰粉好特別配上黑糖同埋山楂，又唔會太甜。銀耳羹又好爽口。滿足到我想食甜品但又唔會肥嘅慾望。總體嚟講呢間餐廳性價比好高，絕對會返嚟再食。