Video
Read full review
2023-05-09
400 views
星期六中午約咗嗰朋友黎食川菜，原本擔心西營盤有咁多斜坡一定好難行，點知我既擔心係多餘的🤣地鐵站一出行5分鐘左右就到，好方便👍午市有套餐同單點餐牌，全部都有跟白飯同桂花冰粉。咁難得約到好耐無見的朋友，我哋兩個人都叫咗3碟小菜😆：糖醋里脊、川式回鍋肉、螞蟻上樹！即叫即做既小菜果然係香噴噴！首先黎到既係糖醋里脊，估唔到份量頗大，開始擔心我哋兩個女仔會食唔晒之後既野食😅啲豬肉唔會太肥，醬汁帶微酸，好開胃，送飯一流！川式回鍋肉：回鍋肉有好幾塊大片的，配搭埋青椒同大蔥係最令人驚艷，有好足夠的椒香之餘又唔會太辣最後呢個螞蟻上樹，係呢3碟入面我最鐘意的，重口味人士必點！！！！！😍我同我嗰朋友以前食開的都係炒粉絲，今次呢碟係用薯粉炒，幾特別。聽老闆娘講，正宗四川嗰邊地道的螞蟻上樹通常係用薯粉，長知識了。用粉絲定薯粉都好，我覺得最主要係睇味道的，結果......：食到停唔到口！😍薯粉的口感煙韌，好易掛汁，麻辣味好香，啱晒我呢啲鐘意食多麻但又食唔到太辣的人。最後送上既桂花冰粉，有淡淡既桂花香，唔會好甜，係好好既結尾☺️見到佢最近做緊麻辣雞翼$18三隻，我哋超想試！呢間餐廳啲麻辣做得好惹味，麻辣雞翼應該唔錯，仲
午市有套餐同單點餐牌，全部都有跟白飯同桂花冰粉。咁難得約到好耐無見的朋友，我哋兩個人都叫咗3碟小菜😆：糖醋里脊、川式回鍋肉、螞蟻上樹！
即叫即做既小菜果然係香噴噴！首先黎到既係糖醋里脊，估唔到份量頗大，開始擔心我哋兩個女仔會食唔晒之後既野食😅啲豬肉唔會太肥，醬汁帶微酸，好開胃，送飯一流！
川式回鍋肉：回鍋肉有好幾塊大片的，配搭埋青椒同大蔥係最令人驚艷，有好足夠的椒香之餘又唔會太辣
最後呢個螞蟻上樹，係呢3碟入面我最鐘意的，重口味人士必點！！！！！😍我同我嗰朋友以前食開的都係炒粉絲，今次呢碟係用薯粉炒，幾特別。聽老闆娘講，正宗四川嗰邊地道的螞蟻上樹通常係用薯粉，長知識了。用粉絲定薯粉都好，我覺得最主要係睇味道的，結果......：食到停唔到口！😍薯粉的口感煙韌，好易掛汁，麻辣味好香，啱晒我呢啲鐘意食多麻但又食唔到太辣的人。
最後送上既桂花冰粉，有淡淡既桂花香，唔會好甜，係好好既結尾☺️
見到佢最近做緊麻辣雞翼$18三隻，我哋超想試！呢間餐廳啲麻辣做得好惹味，麻辣雞翼應該唔錯，仲要唔貴。不過已經太飽，費時眼闊肚窄，下次再黎！
Post
