新巴蜀風 (Closed)

去完四川旅行返嚟好耐都未試過再食四川菜啦，原來食辣真係會食上隱，而咁岩知道有位朋友又想食辣，結果就搵咗呢間新巴蜀風食。 酸蘿蔔前菜：蘿蔔清甜帶丁點酸味，食完之後可以幫助醒胃。 夫妻肺片：一道以牛肚、牛舌、牛展的涼拌川菜，材料先鹵後煮再加入紅油、花椒等等拌食。而牛展鹵得非常入面，牛肚就非常爽口彈牙，而醬料嘅份量亦剛剛好唔會搶走食材本來的肉味。 四川回鍋肉：係四川其中一個好鍾意食嘅家常菜。以五花腩、大蔥、四川醬料油爆而成，而正正因為油爆關係，五花腩肥而不膩，而且食果陣非常滑溜惹味，而我覺得佢嘅大蔥煮得亦非常出色，送飯一流。 辣子雞：上到枱非常大碟，鍾意食辣嘅朋友一定鍾意，而佢嘅辣子雞非常惹味，而且辣椒非常香雞肉夠滑，送啤酒真係一流。