南京金陵湯包 (Closed)

晏晝三點幾，lunch食得唔多夠飽，但過多幾粒鐘又食晚飯，一於去high個tea。金陵湯包啲小籠包不嬲都唔錯，份量又唔算多，下午茶首選。去到唔太多人，唔使等位，坐低諗都唔使諗就落單啦，叫左個金陵湯包，回鍋肉，紅燒獅子頭。金陵湯包保持到正常水準，咬開湯汁好多，肉鮮，出色。紅燒獅子頭正宗做法係肉粒，呢個獅子頭切得太碎，口感無咁好，不過紅燒汁搭夠，味道不錯，都ok啦。最正就係呢個回鍋肉啦，麻辣鮮香樣樣齊，五花腩又唔會太肥，次次黎都必點。