川府宴 (Closed)

我有個朋友好鍾意食川菜，無辣不歡，上次又比佢搵到間新野，喺銅鑼灣嘅川府宴，一上到去鋪面唔算大，有少少私房菜嘅格局，全場大概得10張枱，所以服務都好周到。老火燉湯＄48口水雞＄88口水雞簡直係食川菜嘅必點之選，作為前菜，口水雞恰如其分，非常開胃，加左蔥花同芝麻令到成個未到更有層次，上面嘅辣醬帶小小咸，調出口水雞嘅鮮味。紙包牛肉＄268上菜嘅時候成個紙包拎上嚟，係我面前展開，好得意，裏面有好多辣椒，有啲似辣子雞嘅牛肉版，唔好以為好似辣子雞咁啲肉細細粒，裏面嘅牛肉好大塊，而且件件到酥炸過，更加惹味，酥炸牛肉做到外脆內軟，裏面一啲都唔乾身，同外面帶果種麻辣食落好夾。幹鍋花菜＄88花菜原來即係椰菜花咁解，用落去煮原來好夾，好入味，椰菜花煮得好琳，食落有好麻嘅感覺，因為係蔬菜嘅關係，感覺識落冇咁肥膩，但係又品嚐到川菜嘅麻辣。擔擔面＄35細細碗同想像中嘅唔同，原來係撈麵並唔係湯麵，呢種食飯真係好新鮮，食落唔算辣，仲好清新。紅糖冰粉＄38呢個紅糖冰粉好似啫喱，加左紅糖甜甜地又補血，食完辣野解辣一流。兩個人食咗＄600左右，坐得又舒服，成晚慢慢傾計都得。