Video
Read full review
2018-07-02
3698 views
今日同同學敘舊，又來到銅鑼灣耀華街3號嘅百樂大廈。呢度每層都係餐廳，好多選擇，但每次來都要等lift等好耐，今次都唔例外。奉勸大家要訂檯同埋早啲過定嚟！今次來品嚐非常有名嘅「四姐川菜」。入面係類似茶樓嘅格局，一坐低，侍應首先會沖壺茶畀你。都算多客，有老外，仲有幾檯係內地人——內地人都幫襯嘅香港川菜館，應該真係幾好味！期待！！！呢度晚市只有套餐，不能散叫小菜。每位$340，不設加一，根據每檯人數決定可以order幾多個涼菜和熱菜，最正係白飯任裝。2人餐可以叫2個涼菜、3個熱菜——對於兩個女仔來講太多了，不過反正可以打包，試多幾個菜都好。【涼拌木耳】酸酸地，醋同辣嘅比例啱啱好，木耳爽脆，唔太辣，開胃小菜不失一個好選擇。【口水雞】超正！雞肉軟糯惹味，啲辣汁真係獨門秘方，辣得有香味，芹菜又令到佢食落有清香。辣油入眠有花椒同其他無知名的調味料，總之一個字，正！食完啲雞肉我地仲用啲辣油點木耳食，一啖啖停唔到口！【招牌水煮魚】好多魚好大份呀！面頭全部都係魚肉，肉質非常嫩滑，完全冇骨，係完全冇，入口即化，浸足辣油，熱辣辣，好好味！筆開啲魚肉，下面係薯粉，青瓜，芽菜等等，好足料。肉眼可見的花椒，令到魚肉
今次來品嚐非常有名嘅「四姐川菜」。
入面係類似茶樓嘅格局，一坐低，侍應首先會沖壺茶畀你。都算多客，有老外，仲有幾檯係內地人——內地人都幫襯嘅香港川菜館，應該真係幾好味！期待！！！
呢度晚市只有套餐，不能散叫小菜。每位$340，不設加一，根據每檯人數決定可以order幾多個涼菜和熱菜，最正係白飯任裝。2人餐可以叫2個涼菜、3個熱菜——對於兩個女仔來講太多了，不過反正可以打包，試多幾個菜都好。
【涼拌木耳】酸酸地，醋同辣嘅比例啱啱好，木耳爽脆，唔太辣，開胃小菜不失一個好選擇。
涼拌黑木耳
41 views
0 likes
0 comments
【口水雞】超正！雞肉軟糯惹味，啲辣汁真係獨門秘方，辣得有香味，芹菜又令到佢食落有清香。辣油入眠有花椒同其他無知名的調味料，總之一個字，正！食完啲雞肉我地仲用啲辣油點木耳食，一啖啖停唔到口！
口水雞
45 views
0 likes
0 comments
【招牌水煮魚】好多魚好大份呀！面頭全部都係魚肉，肉質非常嫩滑，完全冇骨，係完全冇，入口即化，浸足辣油，熱辣辣，好好味！筆開啲魚肉，下面係薯粉，青瓜，芽菜等等，好足料。肉眼可見的花椒，令到魚肉又辣又麻，但又唔只辣味，唔怪之係招牌，值得推介！
水煮魚
78 views
0 likes
0 comments
【乾扁鱔片】鱔片應該係煎過，好煙韌，又係辣椒同花椒共同反應，送飯一流。可惜鱔片唔多，好快食晒！
乾扁鱔魚
51 views
0 likes
0 comments
【酸菜牛肉】牛肉鮮嫩，酸菜入味，又係好大份。雖然比起水煮魚稍微遜色，但都好味，唔辣，送飯唔錯。
四姐川菜咁出名真係冇令人失望。
Post
