川之源

Open Now

Now Closed

好日都唔過海，難得過開西環，就揀咗間好耐無食嘅川菜嚟試吓兩個人點咗3個餸，上菜速度好快。頭炮四川涼麵偏酸，其實正宗嘅四川涼麵應該係無咁酸嘅，但佢呢整體味道配得幾平衡，好食！原本想食水煮魚，但朋友建議不如試吓毛血旺。個湯底同水煮魚差唔多，料就變咗土魷、萵荀、午餐肉、牛肚、薯仔、海帶…　所有料都好入味，比起水煮魚多啲唔同口感，推介可以試吓。蔬菜揀咗個乾煸四季豆，唔知點解個四季豆超甜，又無渣，好食過平時嗰啲好多。甜品餐廳送咗個桂花凍糖水，幾清甜，清吓口入嘅辣味，都係一個幾好嘅ending。整體嚟講味道幾好，好地道，所有菜都叫咗小辣，但我都覺得真係辣(利申譚仔三小程度)，如果唔太食得辣記得耍叫小辣。