京笹居酒屋

Open Now

Now Closed

在尖沙咀廣東道工作的白領，每日都要捱貴LUNCH，糧頭想食得好D，分分鐘要OVER$150先叫食得好食得飽。跟同事膽粗粗走入呢間黑媽媽的居酒屋食LUNCH，估唔到招呼我地既係日本哥哥，仲識講好地道既廣東話。入去時已經有5-6人在等位，日本哥哥就好落力咁幫我地搵枱同指揮人快D執枱。十分鐘左右，我地五人便被安排到座位。只見裡面裝修係好地道既日本餐廳，LUNCH MENU好多選擇，價錢比起其它同類型餐廳平10%-20%，我叫左個蒜片牛柳粒LUNCH SET。等唔夠十分鐘，大大碟熱辣辣既牛柳粒已經到左，牛柳粒入口夠嫰，蒜片夠香口，份量亦非常足，價錢承惠69蚊(講真，我好擔心佢會蝕本)，希望佢地長做長有。