Video
Read full review
2021-08-02
1362 views
黎到呢間德國🇩🇪餐廳，當然要試吓佢嘅賣點之作-德國豬手（$240）！佢臨serve上枱之前會問我地需唔需要幫手切，因為佢size都幾大下，自己切的確好難切同埋有啲呢hea食落去真係啖啖肉！！而且佢個皮真係好香脆，但我個人認為食少少好啦，因為食3-4舊就會好漏好滯不過當然係係食肉獸就一定好中意另外嗌左個芝士麵糰配牛肉丸($158)，佢舊的確幾煙韌而且配埋啲芝士食真係一流而佢啲牛肉丸亦都好有牛肉味，唔係啲大大粒但一啲牛肉味都無嘅急凍牛丸，當然亦都唔好食太多啦，因為佢落啲芝士的確好唔客氣如果你係一個芝士控就岩晒呢碟餸啦另外嗌左個小食拼盤（唔記得咩價錢了），食落去就普普通通可以接受啦，無話太大驚喜咁。有薯條墊底，上面有4隻炸雞翼，炸魚柳，串燒香腸，不過隻雞翼係炸得幾香脆同都幾大隻下另外，仲叫左個燒豬肋骨（亦都唔記得咩價錢），啲肉質都幾冧下，同埋食落去都好入味，佢調味調得幾好，用左啲瓜類墊底，如果覺得食太多肉嘅朋友，可以食返少少蔬菜🥬中和下漏嘅感覺最後去到德國🇩🇪餐廳，當然要嗌返杯0.5L嘅hoegaarden 襯托下呢個環境。飲落去亦都唔覺得苦澀，好順滑成件事So far, 呢間餐廳絕對可以e
佢臨serve上枱之前會問我地需唔需要幫手切，因為佢size都幾大下，自己切的確好難切同埋有啲呢hea食落去真係啖啖肉！！而且佢個皮真係好香脆，但我個人認為食少少好啦，因為食3-4舊就會好漏好滯不過當然係係食肉獸就一定好中意
另外嗌左個芝士麵糰配牛肉丸($158)，佢舊的確幾煙韌而且配埋啲芝士食真係一流而佢啲牛肉丸亦都好有牛肉味，唔係啲大大粒但一啲牛肉味都無嘅急凍牛丸，當然亦都唔好食太多啦，因為佢落啲芝士的確好唔客氣如果你係一個芝士控就岩晒呢碟餸啦
另外嗌左個小食拼盤（唔記得咩價錢了），食落去就普普通通可以接受啦，無話太大驚喜咁。有薯條墊底，上面有4隻炸雞翼，炸魚柳，串燒香腸，不過隻雞翼係炸得幾香脆同都幾大隻下
另外，仲叫左個燒豬肋骨（亦都唔記得咩價錢），啲肉質都幾冧下，同埋食落去都好入味，佢調味調得幾好，用左啲瓜類墊底，如果覺得食太多肉嘅朋友，可以食返少少蔬菜🥬中和下漏嘅感覺
最後去到德國🇩🇪餐廳，當然要嗌返杯0.5L嘅hoegaarden 襯托下呢個環境。飲落去亦都唔覺得苦澀，好順滑成件事
So far, 呢間餐廳絕對可以encore,尤其係食肉獸嘅朋友岩晒黎間餐飯啦！而且必嗌食物當然係豬手啦！
33 views
0 likes
0 comments
Post
