Video
Read full review
2022-09-18
421 views
為慶祝好朋友轉工，我請咗佢去Pici食佢鐘意嘅意大利菜。一坐低，侍應會問想要Sparkling water 定Still water，樽裝水係要收錢嘅。如果唔想俾錢飲水，可以要Tap water。但我唔想飲香港嘅水喉水，所以嗌咗枝Acqua Panna，都係45蚊，當俾茶錢。之後侍應攞低咗個紙袋，入面有五片法包，唔熱嘅，但可以refill。地中海沙律 $85雖然只係將蘋果片、合桃、芝士同沙律菜撈埋，但呢個配搭好出色，清爽嘅蘋果片同芝士嘅鹹香非常夾。八爪魚沙律 $120八爪魚一啲都唔韌，一咬就爛，老人家小朋友都食到，沙律嘅dressing 係檸檬汁，加埋青瓜片、車厘茄、薯仔同火箭菜，酸酸甜甜，真係一個唔錯嘅開胃菜。南瓜芝士雙重意式雲吞配辣肉腸牛油汁 $150必食推介！雲吞皮煙韌，切開可以見到一邊係南瓜蓉一邊係煙薰芝士，南瓜同芝士味道好融洽，十分美味，值得一試。呢個意式雲吞係銅鑼灣店限定，其他分店冇得食㗎！大蝦香草醬煲呔麵 $170因為青醬嘅關係，啲大蝦完美咁融入咗啲煲呔粉，我搵咗一陣先搵到啲蝦。煲呔意粉好厚身，麵質al dente，煙煙韌韌。Pesto醬羅勒、香蒜同松子仁味十分特出，加埋
一坐低，侍應會問想要Sparkling water 定Still water，樽裝水係要收錢嘅。如果唔想俾錢飲水，可以要Tap water。但我唔想飲香港嘅水喉水，所以嗌咗枝Acqua Panna，都係45蚊，當俾茶錢。
之後侍應攞低咗個紙袋，入面有五片法包，唔熱嘅，但可以refill。
地中海沙律 $85
雖然只係將蘋果片、合桃、芝士同沙律菜撈埋，但呢個配搭好出色，清爽嘅蘋果片同芝士嘅鹹香非常夾。
八爪魚沙律 $120
八爪魚一啲都唔韌，一咬就爛，老人家小朋友都食到，沙律嘅dressing 係檸檬汁，加埋青瓜片、車厘茄、薯仔同火箭菜，酸酸甜甜，真係一個唔錯嘅開胃菜。
南瓜芝士雙重意式雲吞配辣肉腸牛油汁 $150
必食推介！雲吞皮煙韌，切開可以見到一邊係南瓜蓉一邊係煙薰芝士，南瓜同芝士味道好融洽，十分美味，值得一試。呢個意式雲吞係銅鑼灣店限定，其他分店冇得食㗎！
大蝦香草醬煲呔麵 $170
因為青醬嘅關係，啲大蝦完美咁融入咗啲煲呔粉，我搵咗一陣先搵到啲蝦。煲呔意粉好厚身，麵質al dente，煙煙韌韌。Pesto醬羅勒、香蒜同松子仁味十分特出，加埋酸甜嘅sundry tomato，好味又健康。
Tiramisu $60
去親Pirate group 我都會食佢哋嘅Tiramisu，一如以往口感順滑，酒味不太重。
Panna Cotta $60
奶凍好滑，入口即溶，配上酸酸嘅紅莓醬，消滯解膩。
我一直都係Pirata Group嘅Fans，每次喺呢個集團旗下餐廳用餐都係一個美好嘅體驗，今次都唔例外。
Post
