拉麵達人 (Closed)

和同事利完街就搵地方醫肚，見到呢間極富日本風味既拉麵店，由裝修到食物都十分和風。食物方面都跟足日本做法。黑蒜達人($82)採用左黑蒜豚骨煮成既湯底，新鮮熬製既湯底十分濃郁，黑蒜發揮左好大既作用，令到湯底香味提昇到更高既層次。黑蒜味不同杯麵既味道，呢到既黑蒜味好濃同有一陣炭香味。日本叉燒好淋同軟，唔同香港既叉燒肉仲係有D結實。整體黑蒜發揮左佢獨有既味道令呢個拉麵比其他既更吸引。W達人拉麵($82)以鰹魚配豚骨熬製而成既湯底，兩種材料溶合得十分好。令到湯底層次感更加多。加上一塊厚切火炙既燒。一邊火炙另一邊沒有，火炙的一邊有焦香，另一邊即食到叉燒豐富既肉汁，十分新潁。此外餐廳十分體貼每位顧客不同口味，可以幫你選出不同麵類，如覺得湯太稠亦可以取清湯加入麵中。如果喜歡重口味既朋友，亦可以有蒜頭無限供應加入麵中加重味道。