Video
Read full review
2022-07-13
118 views
朋友介紹Prat Avenue有間開咗21年嘅居酒屋，味道正宗，好多日本人都去幫襯，今日出開尖沙咀就去試下。餐廳要行樓梯上去，入到去就好似時光倒流咁，去返好多年前嘅日式餐廳，感覺古樸。食咗好多人推介嘅洋蔥沙律同明太子煎蛋卷，沙律好有驚喜，全靠個醬汁令到啲洋蔥好似蘋果絲咁爽甜。除咗洋蔥沙律特別推介佢個鰻魚牛油果卷，鰻魚係熱辣辣嘅好難得。牛肉薯餅食得出係自家製嘅味道，薯蓉比例佔多，所以口感好軟滑。食完呢啲未夠飽，店員推薦我地試埋個刺身拼盤，話係飛機貨新鮮到港，我地最鍾意個帆立貝刺身，超級鮮甜。最後仲食埋個雪糕，係以前和民$9/球嘅黑芝麻雪糕呀～～～啲童年回憶返晒嚟我覺得呢度主要都係走家庭式路線，即係你喺日本街頭隨機撞入去間居酒屋會食到嘅地道風味，難怪入座後見到唔少日本人入嚟食，聽佢地傾計（雖然聽唔明）都有種重遊日本嘅錯覺😂
餐廳要行樓梯上去，入到去就好似時光倒流咁，去返好多年前嘅日式餐廳，感覺古樸。
食咗好多人推介嘅洋蔥沙律同明太子煎蛋卷，沙律好有驚喜，全靠個醬汁令到啲洋蔥好似蘋果絲咁爽甜。
除咗洋蔥沙律特別推介佢個鰻魚牛油果卷，鰻魚係熱辣辣嘅好難得。
牛肉薯餅食得出係自家製嘅味道，薯蓉比例佔多，所以口感好軟滑。
食完呢啲未夠飽，店員推薦我地試埋個刺身拼盤，話係飛機貨新鮮到港，我地最鍾意個帆立貝刺身，超級鮮甜。
最後仲食埋個雪糕，係以前和民$9/球嘅黑芝麻雪糕呀～～～啲童年回憶返晒嚟
我覺得呢度主要都係走家庭式路線，即係你喺日本街頭隨機撞入去間居酒屋會食到嘅地道風味，難怪入座後見到唔少日本人入嚟食，聽佢地傾計（雖然聽唔明）都有種重遊日本嘅錯覺😂
Post
