八海山

Open Now

Now Closed

八海山-尖沙咀今日尖沙咀搵食就比我搵到間老字號日本居酒屋。入到去已經有幾枱日本客人，覺得日本人都嚟食，應該有返咁上下水準。😏燒雞泡魚乾🐡店主大力推介，心諗同出面都唔會有咩大分別。點知一咬落去食有腍腍嘅肉質，唔係平時食開嗰種死硬嘅，再加出豐富嘅魚油，真係唔同出面普通貨。龍蝦沙律🦞循例食個沙律清新下，諗住所謂龍蝦應該都係點綴下，點知一嚟到成球沙律每啖都大大舊龍蝦肉，咸咸地再加甜甜嘅沙律牆，仲要係龍蝦肉多過菜，必點。刺身盛🐟🐠🐡有油甘魚，三文魚，吞拿魚赤身，甘蝦，璋紅魚，帶子，海膽。標榜每天日本漁市場直送，食落口真係無得呃，每啖都係結實嘅肉質，廚師亦都切到好厚唔慳皮，價錢又唔貴，又係必點。牛油煎帶子帶子勁大隻，每碟有4隻，連埋鐵板上，熱辣辣，不過唔知係咪太遲食放耐左，熱到有少少韌。🤣忌廉薯餅外皮炸得鬆脆香口，裡面熱辣辣，食得出唔係現成貨。味噌叉燒拉麵🍜唔夠喉再叫左個拉麵，個風格近似九洲，有豐富嘅芽菜同韮菜，勁滿足。