岸久巿場 (Closed)

好耐冇食過好野，聽同事介紹呢間公司附近既居酒屋唔錯，收工就黎獎勵下自己。特選浜燒盛合 ($268)種類好豐富，我鐘意食既海鮮都有齊，燒得岩岩好，十分新鮮。 未至於上台仲郁郁下，但食得出係當日採購既海產。岸久漁師特選丼 ($168)材料多到諗起爆丼屋，食到最後一啖都有餸，兩個人分岩岩好。芝士玉子燒 ($48)神秘隱世邪惡拉絲，芝士好香好軟滑，出面日本餐廳賣$78都唔過份，好抵食。蘋果味生啤 ($58)有麥味又唔會太苦，岩哂女仔口味。