金田家

Open Now

Now Closed

今日一早早餐都未食就要撲出門, 終於有時間食lunch， 又要快又要食得飽，行過金田家見到佢地個餐牌⋯⋯拉麵都唔錯喎，一於快快食。我好少食拉麵，但原來呢度可以因應唔同客人需要揀選麵既硬度，有超硬，硬，普通同軟，連多蔥少蔥都可以揀，最後我叫咗碗辛子黑蒜拉麵，麵要軟身同加蔥，再加多份餃子同蘋果汁，應該夠食。餃子到，餃子個底煎得脆脆，皮唔厚而包有滿滿既豬肉同菜餡，一咬滲出肉汁，好味。而個黑蒜拉麵，咪睇個湯底黑媽媽，又好似好油，其實入口一D都唔油，而湯以豬骨加入黑蒜煮成，非常吸引，而最後我係飲晒個湯，初時我以為辛子係有辣味，但原來唔辣架，都係既如果有咪會搶咗黑蒜既味，而麵質正合我意，日式叉燒肥廋均勻，之前我選多蔥，最後係比咗一大碗蔥我，我第一時間落咗一大半係麵度，大滿足，啖啖麵都沾滿蔥粒，正。食飽飽又要繼續行程。