金鶴拉麵 (荷李活道) (Closed)

今日難得個friend可以早放工，所以約埋一齊食晚餐，真開心！！！佢話想食拉麵，咁就搵到呢間超多好評嘅拉麵鋪。平日嘅下午6點幾到都已經有一半滿，真犀利，觀眾嘅眼睛係雪亮嘅，所以食評應該冇錯。餐廳有拉麵、沾麵同埋飯揀，我哋兩個都叫左黑蒜醬油拉麵。首先試咗個湯底先，好正，味道濃郁，最緊要係唔會死咸，飲落有味精，我哋最後成碗湯都飲晒，肥死。我哋都好欣賞個拉麵，麵身唔粗，可以掛汁，軟硬適中，我個friend覺得啱啱好，但由於我個人比較鐘意硬小小嘅麵，所以下次再食會問下餐廳有冇得要嘅麵硬小小。餸有日本叉燒，而且居然有慢煮雞胸，出邊好難得食到，兩樣都好好食。以中環區黎講100蚊有找嘅拉麵算好抵食，下次會再食過！