珍一料理 (富榮大廈) (Closed)

途徑荃灣買外賣，見到一間川味風味專門外賣店，專門有辣又有唔辣的涼拌醃製料理，真係見到都流曬口水，立刻上前望望有咩好食。呢度真係勁多唔同既川麻料理，真係樣樣都想試今次兩個人食，我就少少地買左半隻椒麻手撕雞，三拼辣同三拼不辣的料理，三拼辣分別有香麻牛蹄筋，辣拌牛百葉，爽脆豬耳絲，三拼不辣的有牛筋凍，牛腱，雞腎。另外再點了一份東波肉飯，十分豐富。首先手撕雞真係又嫩又香，秘制的手撕雞醬，加上好多花生配料，味道真係超正，食到停唔到口。辣與唔辣的三拼料理也是十分有睇頭，份量亦多，我自己就偏向喜歡辣的，無論牛蹄筋，牛百葉同豬耳絲都辣得來超級入味，平時用來送飯送酒都超正超啱口味。而唔辣的牛筋凍就係必選，好多人都鍾意食，我都覺得口感超jelly,彈牙qq 的好讚鬼。最後一定要勁讚這個東波肉飯，東波肉超入味肉質超嫩滑，個汁都正到不得了，撈埋飯食簡直覺得食緊人間美食，必是東波肉啊。第一次試珍一料理真係不錯的品嚐，咁多野都只係$150 到，超抵食，列入必食名單之外賣店。