椰子樹泰國料理

Open Now

Now Closed

西營盤似乎有間泰國料理被人低估，椰子樹係我近期食過最好的，門前一大片空地，環境好清靜舒服，裝修雅緻簡單，坐得好舒服。首推佢午餐，68蚊就食到，一定要加28蚊小食，就算要埋特飲埋單都吾駛100。 今日叫左喇沙，真心湯底正，有濃厚嘅椰香味又滲透啲啲辣，加上配料新鮮，隻蝦又大又夠彈牙。小食加左個泰式炒通菜，鑊氣十足而且惹味。泰式牛河好大碟，包食到你飽飽，女士可能食吾晒。另外佢地嘅生菜包肉碎都吾差，夠辣份量又多，啲菜都包唔嘥啲肉碎。特飲叫左椰子冰，好香好味。下次想試佢芒果米飯，因為太飽唯有留番下次。好正來形容佢地嘅午餐，雖然係餐但絕無揸流灘。