Video
Read full review
2021-01-29
1140 views
仲有唔夠兩個禮拜就過年，約咗好朋友出嚟敘舊，順便當吃頓團年飯。友人提議試下堅尼地城呢間獲頒 Thai Select 皇家認證嘅正宗泰菜館「Café Siam」。聽朋友講餐廳嘅廚師全部都係泰國人，並具有泰國烹飪機構頒發的相關證書，所以食物嘅味道同烹調手法都好正宗，加上中環總店打住米芝蓮旗號，絕對係信心嘅保證。餐廳位於科士街，店內面積唔算十分大，裝潢帶點懷舊味道。用餐區以木檯櫈為主，配合淺灰牆身，色調和諧，加上微暗的燈光，給人雅致舒適的感覺。先看店員送上的餐牌，食物分門別類，有湯、招牌海鮮、小食及頭盤、主菜、沙律、飯麵、泰式咖喱、蔬菜及甜品等，另外亦有 Lunchtime Express、自選泰式湯粉等供應。我哋點咗個暹館孖寶 ($308)，套餐包兩個前菜同兩款主菜。前菜揀咗：脆炸素菜春卷伴泰式梅子醬及冬蔭大頭蝦湯。春卷做得很不錯，炸得非常香脆，乾身又唔油膩，入面嘅餡料雖然只係得素菜，不過食落好清新，配埋酸甜嘅梅子醬，非常開胃。至於冬蔭大頭蝦湯亦色、香、味俱全。湯內有大量草菇同兩隻新鮮嘅大蝦，草菇汁豐味美、蝦隻爽口彈牙，加上南薑的淡香、香茅的清香、青檸葉的甘香、辣椒子的辣香，絕對係真材實料
仲有唔夠兩個禮拜就過年，約咗好朋友出嚟敘舊，順便當吃頓團年飯。友人提議試下堅尼地城呢間獲頒 Thai Select 皇家認證嘅正宗泰菜館「Café Siam」。
聽朋友講餐廳嘅廚師全部都係泰國人，並具有泰國烹飪機構頒發的相關證書，所以食物嘅味道同烹調手法都好正宗，加上中環總店打住米芝蓮旗號，絕對係信心嘅保證。
餐廳位於科士街，店內面積唔算十分大，裝潢帶點懷舊味道。用餐區以木檯櫈為主，配合淺灰牆身，色調和諧，加上微暗的燈光，給人雅致舒適的感覺。
先看店員送上的餐牌，食物分門別類，有湯、招牌海鮮、小食及頭盤、主菜、沙律、飯麵、泰式咖喱、蔬菜及甜品等，另外亦有 Lunchtime Express、自選泰式湯粉等供應。
我哋點咗個暹館孖寶 ($308)，套餐包兩個前菜同兩款主菜。前菜揀咗：脆炸素菜春卷伴泰式梅子醬及冬蔭大頭蝦湯。春卷做得很不錯，炸得非常香脆，乾身又唔油膩，入面嘅餡料雖然只係得素菜，不過食落好清新，配埋酸甜嘅梅子醬，非常開胃。
至於冬蔭大頭蝦湯亦色、香、味俱全。湯內有大量草菇同兩隻新鮮嘅大蝦，草菇汁豐味美、蝦隻爽口彈牙，加上南薑的淡香、香茅的清香、青檸葉的甘香、辣椒子的辣香，絕對係真材實料。最正就係飲落香茅味唔太重，亦不過鹹，很啱我口味。
主菜點咗泰式雞柳炒腰果 同 泰式酸甜魚柳，每款都配有白飯一碗。腰果雞柳炒得很香口，雞柳沒有因炒得過久而變老，依然嫩滑，加埋腰果、草菇、馬蹄、青紅椒同洋蔥等一齊食，口感很豐富。
另外碟泰式酸甜魚柳食味亦不俗，魚柳肉質紮實，食落嫩滑可口，加上外層嘅炸漿夠薄，入口啖啖肉。醬汁嘅稀稠度亦調校得剛好，緊緊黏在魚柳上，味道酸酸甜甜，用來送飯一流。
點呢個餐可以用半價品嚐甜品及飲品，甜品揀咗南瓜焦糖布甸 (+$31) 同 芒果黑白糯米飯 (+$39)，布甸質感很軟滑，面頭淋滿椰子漿，入口帶南瓜的甜香及焦糖的甘醇。黑白糯米亦有水準，入口煙煙韌韌，配上椰漿及鮮甜的靚芒果，真係無得輸。
飲品點咗兩杯飛雪，椰香芒果飛雪 (+$24) 用了新鮮芒果肉和椰奶打成，入口椰香芒香滿溢；而粉紅艷麗的士多啤梨蕉蕉飛雪 (+$24) 就以草莓及香蕉炮製，入口充滿天然果香，味道清甜無添加，也很值得一試。
Post
