Nafafa Thai Cuisine & Lounge (Closed)

同朋友今日去咗間裝修得好grand嘅泰國餐廳。餐前小食，上面係肉碎下面係菠蘿，整得好精緻，食落肉碎拼菠蘿嘅味道好match,酸酸甜甜果然好開胃。秘制脆炸蝦，炸皮唔算厚，炸到外皮脆卜卜，入面蝦肉好爽口彈牙牛肉青咖哩，個咖哩唔算辣，有埋椰汁，可以中和辣度，個咖哩個味道非常好，入面d牛肉份量都算多，牛肉嘅肉質好嫩，爽埋咖哩一齊食，勁夾。食咖哩唔少得烤餅，烤到外面脆脆地，點埋d咖哩食一流。馬拉盞炒雜菜，個馬拉盞味道好香，遠黎都聞到，要黎炒雜菜非常惹味。大蝦炒金邊粉，個金邊粉炒得好乾身，食落煙煙韌韌，味道酸酸地幾開胃，而大蝦都幾大隻同埋好爽口。蟹肉蛋炒飯，蟹肉都幾多，蟹肉都幾鮮甜,中間隻炸蛋係流心，d蛋汁撈埋落d飯果度，好好味。