御膳

Open Now

Now Closed

一班朋友一齊放工食飯～ 我哋選擇咗一間舒適嘅私房菜，真係好有溫馨既氣氛～係朋友聚會或者壽宴慶祝嘅好選擇。套餐好多選擇可以適合2人至12人，真係幾靈活，仲可以根據我哋嘅預算同口味度身設計菜單！富貴金龍真係一個精彩嘅菜式，用咗12兩嘅東星，做咗兩種味，一個係吉列椒鹽，另一個係流沙黃金，味道都好正！一直都係用沙巴龍躉2斤做而家推出用東星12兩做就算人數小都可以食到有富貴金龍嘅套餐跟住大蜆燉蛋，滑溜溜嘅口感，味道濃郁，真係好好食。冰鎮鮑魚近來好熱門，配埋龍蝦斬件、蒜蓉粉絲蒸嘅，仲有香煎同上湯芝士，味道層次分明，真係好享受。再嚟一碟薑蔥上湯炒大肉蟹，蟹肉鮮甜，湯汁又濃，食到每一口都充滿海味。白胡椒爆炒南非鮑魚就更加好味，爆炒得火候剛好，保留咗鮑魚嘅原汁原味，真係香得不得了！招牌御膳炒飯又係一個必試，入面有牛柳粒、帶子粒同蝦球粒，師傅用嘅牛柳質素高，唔同於外面嘅西冷，食得安心。蒜蓉粉絲蒸蟶子皇都係必食，炸蒜嘅香味配上粉絲，真係超級好食。士多啤梨骨就係個甜品，清新又唔膩，完美結尾。