洪記潮州滷味 (Closed)

阿妹嚟咗我屋企食飯，老公放工去咗土瓜灣洪記潮州滷味斬料加餸，洪記潮州滷水有其獨家滷水配方，以味甘香軟著稱，它柔中帶剛，濃而不咸，鮮而不腥，滷水味調得夠惹味！滷水鴨半隻：用多種香料及調味浸製而成的潮式滷水鴨，肉質細嫩、味道鮮香。師傅將鴨胸肉切成一片片，啖啖肉好入味，配埋調過味嘅白醋食味定更佳。用咗透明外賣盒，衛生美觀，又可循環再用，非常環保。紅腸半條，滷水紅腸香味濃郁，口感勁道，肉質細膩柔韌，肥而不膩，味道醇厚鮮美，唇齒留香。豬耳一隻，滷水豬耳口感又韌又脆，味道鮮香不膩，且富含膠質，特別適合當下酒菜！