樺輝記 (Closed)

荃灣路德圍附近，真係無論舖頭同埋街邊小食都係咁多人，見到有間新開嘅舖頭，甘岩又有啲唔舒服就入去食吓粥舖頭裝修好有特色，牆上面一眼睇晒唔同特色小菜，完全係潮州打冷feel😈餐具各樣都好乾淨，出名係特色砂鍋粥，配料全部都係自己揀，除咗有砂鍋粥之外仲有好多招牌嘅小炒，雞煲、鍋物都有，如果唔係得兩個人，就可以樣樣都試啲🤤🤤🥢砂鍋粥因為配料選擇都多，驚自己亂揀配搭出嚟個味道會唔好，有特別問吓店員有咩推介，原來佢話潮州正宗招牌嘅砂鍋粥，通常都係會加蟹、蝦同埋鹹排骨呢三種配料，咁就一於試吓正宗潮州食法🤓🤓佢個粥底加咗南瓜，令到個粥更加線滑，濃稠到啱啱好🥳本身蝦同埋蟹都好新鮮，所以個粥已經好鮮甜，再加埋鹹排骨帶起少少鹹味，個味道真係好夾😋😋🥢鮮甜卜卜蜆煲用金菇做底層同埋打咗個蛋花底，湯底加左蒜、辣椒，香辣味濃厚，蜆肉肉厚滑嫩，啖啖肉，一粒沙都無👍🏻👍🏻🥢小炒皇呢度特色用咗炸香芋絲嚟一齊爆炒，炸到好脆身同埋香口，而且落油份量啱啱好，唔會好油膩，鑊氣十足，蒜芯脆嫩，再加埋大量既魷魚，口感勁豐富😻😻