新志記海鮮飯店 (Closed)

原本約左朋友對太子食餃子，但係去到已經大排長龍，大熱天時又唔想曬住排隊，惟有轉移視線揾其他餐廳。周邊行嘅時候發現，太子站D出口一出就見到呢間志記飯店，見門口有好多雜誌推介嘅報導就入左去，當時啱啱開始午市冇咩人。問老闆娘推介叫咗正宗生炒糯米飯同埋金銀蛋莧菜。因為餐廳面積唔大，所以聽到廚房嘅火爐好大聲，鑊氣十足。啲飯一上枱，就見到糯米飯粒粒分明，煙韌有咬口，臘味嘅香氣撲鼻而來，油光分布平均，但碟底唔會有油，功架十足。而金銀蛋莧菜亦十分足料，金銀蛋同炸蒜粒鋪滿在莧菜上面，莧菜煮得較軟，啱晒老人家人食。總括來說，好開心誤打誤撞食到一家功架十足食物美味嘅老飯店。 🥰