築地GINDACO (Under Renovation)

我跟我的朋友都好鍾意食章魚丸，一個月之前去日本旅行都有食。不過章魚丸其實都好多間，好怕中伏，之前日本就中過一次伏，食左一間居酒屋既章魚丸，超級難食，結果好彩係日本都搵到依間章魚丸食補反數。 反到黎香港一個月，行過太古等睇戲前又有小小肚餓，就搵反依間章魚丸食。 雖然佢有4粒同8粒揀，但係我都係會揀8粒，因為4粒真係唔夠喉。 以海外分店黎講，好難得可以keep到水準，皮脆內軟。更加抵讚既係，係日本既蛋黃醬唔係任加，係一包比你自己落，所以唔係好夠蛋黃醬。而係香港佢就會幫你放埋蛋黃醬，所以醬就多D。 所以話，我食章魚丸都係只係會食依間我心目中既正宗章魚丸店。