Video
Read full review
2018-12-30
251 views
終於試到呢間人氣台式食店，入去坐低點咗幾款嘢食🐝🐂川味紅燒牛肉麵HKD68牛肉湯一啲都唔油，而且好濃味，飲咗幾啖發現同平時食開有少少唔同，原來佢哋嘅湯底除咗牛骨仲會加入藥材去熬製，而且唔會落牛骨粉等呢啲加工調味，配埋個粗麵，口感煙韌好掛湯。🐃牛三寶拼盤HKD88有金錢腱，牛筋，牛肋條，全部都好入味，金錢腱有少少咬口，牛筋完全係入口即溶，牛肋條好鬆軟但又保持到口感。🍚滷肉飯HKD28肉丁切到細細粒易入口，油脂包住粒粒米，每啖飯都好豐富嘅油香味，好快就清咗一碗飯。今次嚟到俾我發現原來有一個隱藏食法呢個神秘食法其實有三步，可以食到三種唔同層次嘅牛肉麵，呢個秘密唔係個個去食嘅都知㗎🤫①呢個係最基本嘅第一步，就係飲啖原本嘅湯底，香純嘅牛骨湯味，不用任何味精，牛骨粉，一滴香，選用原汁原味牛骨熬製嘅湯底。②就係加入一種神秘食材⋯⋯⋯牛骨髓‼️大家可以同店員講要牛骨髓，佢地會俾一小碟你，自家製嘅牛骨髓要用好多牛骨先會有嗰少少嘅牛骨髓，係香純嘅牛骨湯底，加入呢少少嘅精華，嘩，淡淡嘅牛油香即刻令到個牛骨湯瞬間昇華，而牛骨髓因爲加入咗辣粉去整，令到個牛骨湯味道更多層次。③加完牛骨髓，湯底多咗一層油香味，呢個時
川味紅燒牛肉麵
$68
19 views
0 likes
0 comments
🐂川味紅燒牛肉麵HKD68
牛肉湯一啲都唔油，而且好濃味，飲咗幾啖發現同平時食開有少少唔同，原來佢哋嘅湯底除咗牛骨仲會加入藥材去熬製，而且唔會落牛骨粉等呢啲加工調味，配埋個粗麵，口感煙韌好掛湯。
牛三寶拼盤
$88
24 views
0 likes
0 comments
🐃牛三寶拼盤HKD88
有金錢腱，牛筋，牛肋條，全部都好入味，金錢腱有少少咬口，牛筋完全係入口即溶，牛肋條好鬆軟但又保持到口感。
滷肉飯
$28
29 views
0 likes
0 comments
🍚滷肉飯HKD28
肉丁切到細細粒易入口，油脂包住粒粒米，每啖飯都好豐富嘅油香味，好快就清咗一碗飯。
今次嚟到俾我發現原來有一個隱藏食法
呢個神秘食法其實有三步，可以食到三種唔同層次嘅牛肉麵，呢個秘密唔係個個去食嘅都知㗎🤫①呢個係最基本嘅第一步，就係飲啖原本嘅湯底，香純嘅牛骨湯味，不用任何味精，牛骨粉，一滴香，選用原汁原味牛骨熬製嘅湯底。
②就係加入一種神秘食材⋯⋯⋯牛骨髓‼️大家可以同店員講要牛骨髓，佢地會俾一小碟你，自家製嘅牛骨髓要用好多牛骨先會有嗰少少嘅牛骨髓，係香純嘅牛骨湯底，加入呢少少嘅精華，嘩，淡淡嘅牛油香即刻令到個牛骨湯瞬間昇華，而牛骨髓因爲加入咗辣粉去整，令到個牛骨湯味道更多層次。
③加完牛骨髓，湯底多咗一層油香味，呢個時候，加入少少白醋，中和咗牛油香味，湯底變得帶有啲酸辣，完全係另一重衝擊呀😱
一碗睇落好單純嘅牛肉麵，竟然可以有三種唔同味道嘅食法，超正😍
台式泡菜
$25
33 views
0 likes
0 comments
Post
