川府宴 (Closed)

今日阿妹無啦啦話要去食川菜，今次係阿妹要求食呢間餐廳。佢話想試下洋蔥花；地點都幾方便，喺登龍街嘅商廈裡面。餐廳環境餐廳內有川劇嘅面譜，唔使講都知道今次嚟川菜啦。呢間餐廳嘅檯都幾大張，櫈就用咗梳化櫈，櫈就坐落去幾舒服。餐牌餐牌封面用麻布整成，中間有個紅色嘅圓形：感覺好有中國風餐牌上嘅食物名有中英對照。食物洋蔥花外層炸到金黃色。有放一啲辣椒粒..,食落去外層脆卜卜，入面就好爽甜嘅洋蔥汁。炸洋蔥花炸得啱啱好，如果炸得過火就深黃黃色，剛好就淺黃色：炸粉唔太厚。我食到個辣味之後就八角嘅麻嘅感覺。但個辣味又無搶洋蔥嘅甜。川爆一字羊份量都好多，一份入面有6/7件羊肉，旁邊鋪滿辣椒乾。羊肉唔騷，有好香嘅孜然粉味。食落去幾淋，每件肉都好大舊。甜品紅糖冰粉，呢個甜品係凍食；內有生楂、提子，當然仲有主角冰粉。食落去好似果凍咁，好滑。夏天食呢個甜品感覺好消暑。服務態度服務態度好好，問佢有咩好介紹。佢就用溫柔嘅語氣介紹川爆一字羊。當我食到成碟嘅時候又主動換碟。