Video
Read full review
2022-03-21
35 views
👦🏻之前晚市已經同同事食過肉骨皇對佢嘅食物印象幾好，今次就介紹埋👧🏻一齊再encore😆！👧🏻就覺得整體感覺良好。店員服務態度良好，又好積極介紹店內菜式，詳細介紹肉骨茶用料，👦🏻👧🏻長知識了📈！🌟招牌肉骨茶- 細 (另加白飯)一直都有錯覺肉骨茶係燥熱嘅食物，尤其是喺疫情期間，大家都會避免進食比較燥熱嘅食物。不過店員解釋廚師會因應季節🍃🍂調整藥材種類和份量，因此可以達到補而不燥，健脾養血！店員仲解釋咗春天比較潮濕，所以落咗啲洋薏米等食材(其他材料👧🏻唔記得啦🤣)。至於其他材料仲包括黨參、當歸、羅漢果、陳皮，所以陣陣藥材味中都能夠滲出羅漢果嘅甘甜味🤗。入返正題講下肉骨茶先！湯底非常醇厚，一睇湯頭顏色較深，就知道係屬於馬來西亞嘅福建派風格。藥材味明顯但容易入口😋。湯內有兩款肉類，有一字排同豬骨，唔好睇少個鍋，最少都有7-8舊排骨！排骨略帶少少脂肪，滲出嘅油份令肉骨茶變得冇咁齋！如果覺得唔夠味，仲可以點下醬料(類似甜醬油+生蒜🧄又略帶少少酸味)。湯嘅配料仲有豆卜、腐竹、金菇，杞子🥣，整體撈飯食真係好正！👦🏻👧🏻清曬成煲湯都唔覺得口渴💦。🌟 檳城炒貴刁由於呢排👧🏻要戒口唔食得咖啡/海鮮，今次就叫
🌟招牌肉骨茶- 細 (另加白飯)
一直都有錯覺肉骨茶係燥熱嘅食物，尤其是喺疫情期間，大家都會避免進食比較燥熱嘅食物。不過店員解釋廚師會因應季節🍃🍂調整藥材種類和份量，因此可以達到補而不燥，健脾養血！店員仲解釋咗春天比較潮濕，所以落咗啲洋薏米等食材(其他材料👧🏻唔記得啦🤣)。至於其他材料仲包括黨參、當歸、羅漢果、陳皮，所以陣陣藥材味中都能夠滲出羅漢果嘅甘甜味🤗。
入返正題講下肉骨茶先！湯底非常醇厚，一睇湯頭顏色較深，就知道係屬於馬來西亞嘅福建派風格。藥材味明顯但容易入口😋。湯內有兩款肉類，有一字排同豬骨，唔好睇少個鍋，最少都有7-8舊排骨！排骨略帶少少脂肪，滲出嘅油份令肉骨茶變得冇咁齋！如果覺得唔夠味，仲可以點下醬料(類似甜醬油+生蒜🧄又略帶少少酸味)。
湯嘅配料仲有豆卜、腐竹、金菇，杞子🥣，整體撈飯食真係好正！👦🏻👧🏻清曬成煲湯都唔覺得口渴💦。
🌟 檳城炒貴刁
由於呢排👧🏻要戒口唔食得咖啡/海鮮，今次就叫咗個炒貴刁一齊食！炒貴刁有唔少配料，包括炸蝦🍤、臘腸、魚片、火腿。粉麵唔會話碎濕濕又夠煙靭彈牙，加上用黑醬油、芽菜、蔥、蛋花一齊炒，如果嘗辣仲可以點啲是拉差醬一齊食，會食極唔停架🤣🤣
Post
