潮味居海鮮潮州菜館 (Closed)

潮州野批心我感覺係打冷滷水鵝，今日經開佐敦朋友話想食潮州菜就唔打唔撞嚟咗呢度潮味居感覺上好有歷史，老字號嘅嘢食應該唔會差既冇幾耐員工就攞咗幾杯潮州功夫茶同小食俾我哋功夫茶味道偏濃，夜晚飲咁濃嘅茶有啲驚會瞓唔着滷水鵝併墨魚鵝片食落好林好軟熟，滷得尚算入味但唔會過分鹹，味道適中，好食傳統香煎蠔仔烙 $98蠔仔份量好多而且蠔仔肥美可口，蠔餅邊炸得好香而入邊林身，整體食落口唔會覺得好油膩，熱辣辣好好食蠔仔肉碎粥蠔仔粥同蠔餅使用同一種珍珠蠔，食落真係好肥美而且帶點蠔嘅甘香，潮州粥唔會煮得好林，我自己比較鍾意呢種口感食落去有啲飯粒，令人好想食完一碗又一碗沙爹牛肉炒河粉 $88河粉底本身炒得幾好，夠鑊氣，可惜牛肉醃得太過林，冇咬口，整體有D失望鹹菜胡椒豬肚湯 $98呢個湯飲到差唔多最底先醒起唔記得咗影相 胡椒豬肚湯聞落去已經好濃味，白胡椒嘅香味完全煲晒出嚟，飲落去好濃味而且帶出咗白胡椒果種辣味，飲完成個人都熱辣辣～熱辣辣～～熱辣辣～～～好正呀！雖然個豬肚係湯料，但食落唔會過份林，保留到少少咬口，好好食 真係超鍾意呢個湯如果冬天飲呢個湯一定好暖胃！