永祥燒臘飯店

Open Now

Now Closed

全間店淨係賣燒味 雖然心入面唔係想食燒味 但見附近呢間正評最多 決心放膽一試 其實鋪面亦都唔係超級乾淨 但係呢啲就係老香港嘅嘢 入邊嘅夥記好明顯係做咗幾十年做街坊生意 不停同客人吹水 叫咗一個叉鴨湯瀨 見到好耐冇見嘅朋友 即刻一啖咬落嚿叉燒度 真係開心到震 叉燒鬆軟無比肥瘦適中 最正佢係厚切 非常有咬口 雖然佢d燒鴨唔係靚位 但係燒到 皮肉分離 中間嘅肥膏唔多 怕肥嘅我竟然食埋層皮 有啲近骨嘅位好勁鹹 但係配埋 吸湯汁嘅瀨粉 還算可以 配埋港式燒臘當獨有特製湯底 認真係大滿足 因為佢鴨肉太鹹嘅關係下次試下燒鵝先第二日又忍唔住買外賣乳鴿 啖啖肉夠新鮮阿妹話唔係雪藏貨喎唔通呢間嘢係用新鮮肉做完全冇用雪藏嘢?總之我對呢間嘢有讚無彈乳鴿味夠濃不過你見佢個爐 就知道夠曬正宗啦