阿叔泰麵 (積信街) (Closed)

呢間小店的大廚就特登去到泰國布吉拜師學藝，學識地道的家庭式船麵湯底，用上30斤牛骨加入藥材熬足12小時，絕無味精。湯頭牛肉味非常濃厚，兼且帶藥材香，飲曬都唔會口渴，的確同出面唔同。另外我食呢碗牛肉船麵啲牛腩好淋，但仍然有肉嘅彈性。配爽彈嘅金邊粉真係無得彈。佢哋嘅泰式奶茶都非常之唔錯，唔會好甜，而且茶味清香。小食嗌咗個雞棗，居然仲好食過蝦棗。甜品叫咗芒果糯米飯，啲糯米飯椰香味十足，就咁食已經好足夠。