愛茶 (Closed)

今日同朋友行街，見到間茶鋪冇咩人，又喝梗係入去有冇野岩飲啦 !! 入到去先知原來係 英記茶莊既新出品，即時有加分 !! 我地各自選左自想飲既野 !! 朋友既 青提奶蓋大理石，我地等緊果陣已經不停係道嘩，至於嘩咩 ~~~ 咪就係見到店員不停咁落青提，都真係真材實料 !! 我飲左朋友兩啖，我覺得個奶蓋好正 !! 唔會漏，芝士味唔太重，反而個奶味有雲妮拿香，我覺得幾特別 !! 青提入口好甜，但又唔會拿喉 !! 好順 ~~ 沙冰都打到好碎，入口唔會有一大粒既冰粒 !! 正 ~~至於我就叫左杯全 MENU 最貴既茶品，因為佢係用冠軍烏龍沖既茶品，貴係有原因 !! 杯茶出到黎，我都嘩左一聲，估唔到入面咁多料，首先當然我要嘆一啖我既 冠軍烏龍 啦 !! 好香醇，就算有甜酸既生果都蓋唔到佢茶味 ~~ 好正 !! 入面既生果奇多 ~~ 有菠羅 / 提子 / 奇異果 / 士多啤 / 西柚 / 西瓜 / 檸檬，都真係乜都有 ~~ 超誇架 !! 仲有附上一隻叉，等你飲完茶，慢慢食佢既生果 !!