Foodtrip Bedana's Filipino Restaurant (Moved) New Location

今日突然間想食啲特色野，同朋友講完。所以朋友就帶咗我來佐敦呢一度食菲律賓野。呢次都係我第一次食菲律賓嘢食，首先我哋叫咗個菲律賓炸雞，炸雞唔同韓國嗰種炸雞咁多炸粉，呢個炸粉係比較薄身，而且脆啲，只係點簡單嘅甜酸醬就已經好惹味。另外都叫咗個菲律賓肉醬意粉，原來菲律賓既肉醬意粉係比較甜啲，佢上面配有好多醬汁，一定到撈！裏面有肉碎，腸仔同埋好多芝士，所以撈埋非常之惹味。而我好欣賞佢個意粉，煮得夠爽，唔會過淋。最後兩個人去埋單二百幾蚊，如果鍾意都可以叫杯啤酒chill下。