Video
Read full review
2019-08-29
84 views
有一個秘密冇同大家講過，就係小編H我其實中學嘅時候係西班牙留咗一個月咁耐。係個一個月入面，我有機會住咗係西班牙嘅寄宿家庭，又去咗三四個唔同嘅城市，所以對於西班牙菜嘅認識都好深，而且我知道正宗嘅西班牙菜喺香港亦都好難搵到。正正就係因為我嘅要求高，今晚我終於搵到一間符合心意嘅西班牙格調餐廳。店舖主打西班牙平民經常會食嘅Tapas，意思係一碟碟份量比較細嘅小食，最適合用嚟配酒，同朋友傾計，就算人少少都唔怕，相反仲可以叫好幾款唔同嘅小食添！餐廳有分兩種Tapas, hot & cold, 顧名思義就係冷盤同熱盤。而且價錢仲好相宜，餐廳主理人希望將西班牙Tapas帶到嚟香港，並且平民化，一般普羅大眾都可以負擔得到。薄切慢煮八爪魚作為頭盤，呢個真係無得輸，上枱嘅時候就知道餐廳連隻碟都有預先擺入雪櫃雪凍，希望八爪魚用最好嘅溫度呈現。八爪魚配上橄欖油，再加少少香草同埋秘製醬汁作調味，既清新又開胃。血橙燒牛柳沙律新奇士橙就食得多，血橙真係第一次食。將橙切左薄薄一片，就會見到完美嘅圓形，而且係深紅色嘅橙肉。燒牛柳好嫩滑，餐廳用上靚嘅牛扒，而且烹煮時間啱啱好。沙律面頭舖滿咗脆片，口感上簡直係一個享受。西班牙
有一個秘密冇同大家講過，就係小編H我其實中學嘅時候係西班牙留咗一個月咁耐。係個一個月入面，我有機會住咗係西班牙嘅寄宿家庭，又去咗三四個唔同嘅城市，所以對於西班牙菜嘅認識都好深，而且我知道正宗嘅西班牙菜喺香港亦都好難搵到。正正就係因為我嘅要求高，今晚我終於搵到一間符合心意嘅西班牙格調餐廳。店舖主打西班牙平民經常會食嘅Tapas，意思係一碟碟份量比較細嘅小食，最適合用嚟配酒，同朋友傾計，就算人少少都唔怕，相反仲可以叫好幾款唔同嘅小食添！餐廳有分兩種Tapas, hot & cold, 顧名思義就係冷盤同熱盤。而且價錢仲好相宜，餐廳主理人希望將西班牙Tapas帶到嚟香港，並且平民化，一般普羅大眾都可以負擔得到。
薄切慢煮八爪魚
作為頭盤，呢個真係無得輸，上枱嘅時候就知道餐廳連隻碟都有預先擺入雪櫃雪凍，希望八爪魚用最好嘅溫度呈現。八爪魚配上橄欖油，再加少少香草同埋秘製醬汁作調味，既清新又開胃。
血橙燒牛柳沙律
新奇士橙就食得多，血橙真係第一次食。將橙切左薄薄一片，就會見到完美嘅圓形，而且係深紅色嘅橙肉。燒牛柳好嫩滑，餐廳用上靚嘅牛扒，而且烹煮時間啱啱好。沙律面頭舖滿咗脆片，口感上簡直係一個享受。
西班牙薯仔蛋餅
到我最最最鍾意嘅熱盤，可以堪稱西班牙國粹嘅西班牙蛋餅！基本上就同香港嘅蒸水蛋一樣，每個屋企都一定會識煮。但呢個薯仔蛋餅同出面嘅有少少唔同，因為切開中間係流心嘅😍首先佢係一個perfect circle,對於有強迫症嘅我來講係好重要😂蛋餅中間係蛋漿混和薯仔粒既流心餡料，蛋皮薄得黎又唔會過老。上面加埋忌廉成個口感就好細滑，食多幾啖都唔會覺得好肥膩，完全顛覆左我對蛋餅嘅概念🤤
巴塞隆拿式烤紅蝦
呢個紅蝦又係我最鍾意嘅菜之一。五隻都有我手掌咁大嘅size，經過高溫烤焗，蝦嘅外殼變得好脆。蝦肉好彈牙，配埋香草同埋個source真係一絕。
嫩煎鴨胸伴甜些厘酒汁
呢間餐廳嘅主菜同樣都好出色，百幾蚊嘅價錢就可以食到高級餐廳水準嘅煎鴨胸，啖啖肉仲要有兩舊手板咁長嘅鴨胸，你哋話邊度可以搵到性價比咁高嘅餐廳？鴨胸皮煎到脆口，切開鴨胸就會見到厚厚嘅肉，配埋甜甜地嘅些厘酒汁，一鹹一甜為味蕾帶來衝擊！
炸西班牙油條配朱古力醬
我平時好少食甜品，呢一個炸西班牙油條就決定無論幾飽都要一試。聽個名好似好普通，但如果見過製造過程就知道要整一條西班牙油條其實係需要特別嘅機器去製造。雖然餐廳冇呢部機，但大廚不計成本咁樣由西班牙直接訂貨，在空運返嚟香港，但係佢冇將價錢轉嫁比消費者，繼續維持宗旨將價錢平民化。一咬落口鬆脆到不得了，再加埋肉桂砂糖同埋朱古力醬，一大啖咬既時候食到好香嘅玉桂味，同時都維持西班牙嘅原汁原味—因為西班牙嘅國民都好鍾意食甜野🥳
有機會大家真係要來銅鑼灣試一試，支持一下好有心經營嘅小店，而且地點距離地鐵站大約5分鐘路程，全部都係平路，好容易搵到🥰
Post
