王幺妹黔川米線

Open Now

Now Closed

朋友介紹去食依間米線，舖面簡單，冇乜裝修，個feel好似返左大陸咁。有幾位食客都係講普通話，仲係一個人食，估計食物味道正宗。貴州遵義羊肉米線 59兩碗米線都叫左少辣，不過同樣惹味。湯底用左黑醋同自家製辣椒油，聞落都好香好開胃。米線好滑身，而羊肉帶少許羊羶味啱啱好。貴州遵義牛肉米線 59 有幾件牛腩，口感軟腍，仲好重牛味。湯底同配料都同羊肉米線一樣，不過我覺得羊肉同湯底嘅味道夾啲。麻辣牛展 48叫咗小辣，牛展中間嘅根位好彈牙，口感唔錯，份量都好多。涼拌黃瓜 20涼拌黃瓜嘅辣又同麻辣牛展唔同，反而更加麻香，不過辣度亦都更高。