越一越南牛肉粉專門店 (Closed)

今日嚟到荃灣，口乾乾，想食碗越南粉，見到月一，即刻口水都流晒，適逢食飯時間都頗多人，但係好快服務員就搵到個位俾我啦，坐落又舒服，作為一個打工仔搵到一個舒服嘅地方享受午餐，簡直係人生一大喜事啊。食越南粉，就梗係要叫返個火車頭啦，因為佢除咗有生牛肉同熟牛肉之外，仲會有兩粒牛丸，同埋牛柏葉，啱晒我呢種有選擇恐懼症嘅人啦。生牛肉上到枱都仲係鮮紅色架，我真係要嗱嗱臨，要放佢入湯嘅中間將佢整熟，熟咗之後啱啱好，唔會鞋口，好鮮嫩，佢嘅牛丸真係唔錯，好彈牙，而且唔會食到有雪藏嘅氣味，而且有好濃烈嘅牛肉味，食得出係真材實料架。而且最緊要係佢嘅湯，佢個湯先甜，而且唔會好龍未，果然夠晒正宗啊。我仲加咗一個泰式鳳爪架，鳳爪份量好多，而且最緊要嘅係已經去晒骨，酸酸辣辣，而且夠晒冰凍，份外開胃呀。