十二味 (山市樓) (Closed)

今日同朋友喺西區行山 落返嚟之後喺堅尼地城見到有間重口味嘅餐廳 叫做十二味朋友話想試下挑戰辣嘢 所以就去食啦喺門口同入面都見到裝修好中國風 天花板有紅噹噹嘅燈 好似燈籠咁樣 而且有啲雀籠嘅嘢 非常之中國化 幾靚好啦朋友叫咗 川味口水雞套餐 而我就叫咗清湯牛肉麵 價錢都係58蚊同埋42蚊 咁我哋就叫咗 哈蜜牛奶同埋熱情果梳打 哈蜜牛奶好有哈密瓜嘅味道 反而牛奶味比較清淡 而熱情果 非常之有酸味 擺喺梳打水入面非常醒胃 主菜 川味口水雞個樣雖然都係紅噹噹好似好辣咁樣 但其實唔算好辣 反而麻味比較重 非常之好送飯 又開胃 而且雞肉非常之嫩滑 值得一讚而我本身唔係好食得辣 所以呢個清湯牛肉麵就係我不二之選 牛肉係牛展嚟嘅 入口煙韌 而面嘅質感亦都非常之好 跟住我哋再叫多一個糖醋排骨 呢個排骨甜甜地 酸味比較少 正好解一解剛才食完口水雞嘅麻辣味道 最後就叫多一個中國川菜傳統甜品 就係紅糖糍粑 呢個口感非常之煙韌 喺入面嘅米 非常之好口感 配上紅糖漿 非常之襯 正