雲魅 (Closed)

叫咗雲魅特色湯 文山精緻配料（肥牛、七彩麵）呢度好正宗，沿用雲南當地食米線嘅方法，店員會先上麵同配料，最後先上個好滾好熱嘅湯，之後就可以自己擺麵、肉同配料落個熱鍋度，又特別又豪華。雲魅特色湯湯底係用新鮮雞湯同埋秘製醬汁，味道好濃郁，又有啲酸辣嘅味道，好特別！文山精緻配料有10樣配料，帶子、鳳尾蝦、竹笙等等，帶子好大粒，煮完都唔會點縮水，鳳尾蝦都好大隻，新鮮彈牙。肉類有兩款，牛同豬， 就好似打邊爐嘅厚度，淥一淥基本上就熟。麵可以揀七彩麵或者米線，店員好細心會係落單嘅時候提一提七彩面比較淋身。