Video
Read full review
2023-01-12
10 views
南대門3號尖沙咀金巴利道65-67號太平洋大廈地下3號今日收工之後約咗同事去尖沙咀搵餐廳食，經過見到呢一間韓國餐廳，睇過餐牌好似幾吸引，而且人流都唔少，所以就決定試吓呢間餐廳。入到去已經聞到好濃濃既燒烤味，即刻覺得特別肚餓，我哋落咗單之後職員好快為我哋擺上前菜，包括有泡菜、炒粉絲、醃黑豆同埋豆芽，唔知係咪太肚餓，食落特別開胃！海鮮煎蔥餅呢個煎蔥餅煎到超香脆，食落口嘅時候脆卜卜，但又唔會感到好油膩，而且十分足料，材料包括魷魚、蠔、蝦，仲可以配上特製嘅醬汁，真係特別惹味呀！鐵板烤醬牛肋骨由於係用鐵板上，所以牛肋骨keep住都係熱辣辣，而且唔會食落好多筋，真係啖啖肉，而且份量都幾多，而且個肉調味得好好，簡直性價比高！鐵板烤雞肉蓋飯我覺得雞肉個味醃得好好味，佢加埋啲椰菜落去炒，食落口感豐富，而且非常之夾，呢個餐仲會配埋一碗飯，啲醬汁撈飯簡直一流呀！
尖沙咀金巴利道65-67號太平洋大廈地下3號
今日收工之後約咗同事去尖沙咀搵餐廳食，經過見到呢一間韓國餐廳，睇過餐牌好似幾吸引，而且人流都唔少，所以就決定試吓呢間餐廳。
入到去已經聞到好濃濃既燒烤味，即刻覺得特別肚餓，我哋落咗單之後職員好快為我哋擺上前菜，包括有泡菜、炒粉絲、醃黑豆同埋豆芽，唔知係咪太肚餓，食落特別開胃！
海鮮煎蔥餅
呢個煎蔥餅煎到超香脆，食落口嘅時候脆卜卜，但又唔會感到好油膩，而且十分足料，材料包括魷魚、蠔、蝦，仲可以配上特製嘅醬汁，真係特別惹味呀！
鐵板烤醬牛肋骨
由於係用鐵板上，所以牛肋骨keep住都係熱辣辣，而且唔會食落好多筋，真係啖啖肉，而且份量都幾多，而且個肉調味得好好，簡直性價比高！
鐵板烤雞肉蓋飯
我覺得雞肉個味醃得好好味，佢加埋啲椰菜落去炒，食落口感豐富，而且非常之夾，呢個餐仲會配埋一碗飯，啲醬汁撈飯簡直一流呀！
Post
