紅雞

Open Now

Now Closed

今日收左工就約左fd食晚飯 ，因為都係睇得韓劇多，所以去尖沙咀韓國街行下，見到間炸雞店寫住red chicken好似唔錯 ，所以就揀左呢間食了 。一入到去7點左右，不是很多人，所以就可以俾位我地，仲要係坐近窗口位，環境唔錯。之後就點左原味炸雞、香脆黃金盤（呢個有芝士條, 薯條同埋魷魚圈）同埋蘋果青檸酒。未正式黎野食之前，佢仲有前菜俾我地食，有蘿蔔, 蝦條同埋椰菜絲，食落幾開胃，同埋椰菜絲配上面嘅醬幾好食 。原味脆雞 $118呢個炸雞配左薯條，啲炸雞啲肉幾juicy，皮亦都炸到好脆，薯條上面仲配有芝士粉，整體唔錯 值得一試。香脆黃金盤（芝士條, 薯條同埋魷魚圈）$148呢個就配有芥末醬同茄汁，芝士條食落去時芝士可以拉得好長，啲芝士熱辣辣唔錯，配埋個芥末醬超級好食。至於魷魚圈同薯條炸到金黃色 真係食落好味。蘋果青檸酒 $88炸雞配埋酒真係一流，仲要呢個酒只有4.5%酒精 飲落幾好飲。食過之後 一定會再返撻過，價錢唔太貴，而且野食又好味，仲要7點去都唔洗等位，但我地食完8點幾近9點已經有人要等位嚕，所以建議早啲去到就好喇。