草苑韓國料理 (Closed)

今次黎到依到草苑,D野食都幾岩自己同朋友心意嫁,食落都覺得佢係好正宗,不過其實都唔係好分得清楚,因為自己唔係咩專家。坐低無耐好快就有前菜食喇,有好多好多有款,其中有泡菜,魚仔,粉絲,豆腐依幾樣其他都唔係太知,黎到就眼前一亮,因為實在太多,大家都會食得開開心心,都幾有風味。佢個泡菜味道就正正常常,唔至於超水準,但都算好食既,其中比較鍾意既係個魚仔,可能由細到大都鍾意,又唔會話太濃味,易入口幾開胃嫁,細細條慢慢食, 之後叫左依個燒烤餐,咩肉都有豬牛雞,份量真係十足,燒完出黎香味十足,而且大部分個肉質都唔錯,味道都幾濃下,好吸引,之後就係一個石頭飯,只係用左少少既調味,飯底做得唔錯,而且燒既度數唔會太高,唔會一陣間有燶哂,幾好,加埋雲耳,紅蘿蔔,爽口,幾正。雖然價錢算貴,不過係值得既。