名門私房菜

Open Now

Now Closed

餐廳標榜無味精、無落雞粉，主打正宗傳統順德菜，環境舒適有一定私隱度，店員態度熱情，耐心介紹菜式。杏汁豬肺花膠湯杏汁味相當濃郁，湯料有花膠、瘦肉和豬肺，花膠口感軟熟，食落滿滿既膠原蛋白，同時餐廳有準備豉油沾點食用湯料。冰鎮鮑魚有半隻手掌咁大，經過冰鎮下鮑魚口感爽口彈牙，配搭餐廳秘製芥末醬汁，更加凸顯到鮑魚鮮味。懷舊蝦多士外表炸得金黃香脆，內裏以蝦滑包著蝦肉，口感豐富，外脆內軟。陳皮話梅豬肋骨豬肋骨有淡淡既話梅，酸酸甜甜，減低豬肋骨油膩感，不錯既開胃菜。煎釀鯪魚著名順德菜，將魚骨和魚肉起出，而留下魚頭魚尾，之後將起出既魚肉剁爛再釀入魚身，外皮煎得香脆，內裏鯪魚彈牙爽口，味道十分特別，菜式十分花功夫時間。啫啫雞煲雞件香濃惹味，醬汁相當入味，配以三色椒、薑蔥爆香，滋味十足。順德炸鮮奶傳統懷舊甜品，奶味濃郁順滑，外皮炸得香脆，外脆內軟，雙重享受！名門招牌炒飯用煲仔上菜，一直保持住溫度，炒飯相當有鑊氣，有叉燒粒、蝦粒、香菇、蔥粒，食落十分香口，炒飯十分乾身，水平唔錯。番薯糖水番薯份量多，正宗味道！