Video
4-min walk from Exit A3, Wan Chai MTR Station
continue reading
Telephone
28933033
25732668
Opening Hours
Today
12:00 - 15:00
17:30 - 22:30
Mon - Sun
12:00 - 15:00
17:30 - 22:30
Above information is for reference only. Please check details with the restaurant.
1月份又要周圍搵好餐廳同親友食團年飯相聚，要迎合一家大細口味，中菜、私房菜呢啲當然係首選！今次同親友嚟咗呢間灣仔嘅私房菜，好高質，餐廳座位闊落舒適，傳統中菜裝修，亦設有VIP房。我哋一行8人，叫咗10款餸菜😳 人均大約$400左右，性價比都幾高🤩✰順德豆腐魚蓉羹 ❥完全冇骨嘅魚蓉羹🤩 充滿魚鮮味，有豆腐、青瓜、香菇等配料煮成𡙡。✰青芥冰燒雞 🌟❥推介！手撕雞加上炸到脆卜卜嘅芋頭絲、薑粒、海蜇等等，咬落去口感好正，個汁有少少芥辣味，開胃又好味。✰懷舊蝦多士拼大良炒鮮奶 🌟❥推介！蝦多士炸到非常香脆，而且好厚身，釀咗好多蝦膠🤩 大良炒鮮奶都幾特別，加咗蛋白炒好滑溜，如果加埋醋食嘅話有少少似食緊賽螃蟹。✰一口鮑魚豆腐❥每件豆腐上面都有一隻鮑魚，團年飯當然要食！包你富貴啊😂 ✰雪菊石榴球 ❥好精緻嘅福袋菜式，啱晒新年食！雪球入面包咗馬蹄粒、蔬菜粒同埋肉碎，味道偏淡唔會好油膩。✰臘香蠔豉鬆 🌟❥推介！臘腸、蠔豉同埋其他配料切碎晒，炒到好香，用生菜包住食，好似泰式生菜包嘅食法，呢個都好好食！✰鬼馬咕嚕肉 🌟❥推介！咕嚕肉就食得多，咕嚕油炸鬼都係第一次食😳 呢個菜式有齊咕嚕肉同油炸鬼，原來油炸鬼咁香脆沾滿晒酸甜汁係咁好食！✰秘製啫啫雞煲 ❥啫啫雞煲上枱嗰陣時吱吱聲好吸引！非常惹味。✰蝦乾魚肚浸大芥菜 ❥魚肚夠厚身夠淋，大芥菜同蝦乾浸出嚟嘅湯好鮮甜。✰特色小炒王 ❥每次食中菜，必食小炒王，有開盲盒嘅驚喜，唔知嗰日會有啲乜嘢炒埋一碟😂 佢哋嘅小炒王夠鑊氣！✰贈送飯後糖水🤩 蛋白杏仁茶或紅豆沙，非常滿足食到攬住個肚走！🧧中菜圍餐都好適合新年團拜聚會，而家plan定就啱晒啦！
continue reading
經常聽人講「名門私房菜」但一直未有機會可以去，而家快新年，朋友們紛紛出國好難約，就在新年前在這裡 ，大家一齊食飯gathering👋🏻私房菜主要有一個大廳，另外有兩間小房。裝修都典雅，全間都是吃順德菜，啱晒我，因為我順德人從來都沒吃過順德菜。🫶順德豆腐魚蓉羹魚肉沒有魚骨，好香果皮味，豆腐好滑，非常豐富。🫶青芥冰燒雞有芋頭、海蜇和薑全部切絲再混合在雞肉絲，咬落脆卜卜，青芥辣好有特色，對我來講好開胃前菜，有少少似新年「撈起」。🫶懷舊蝦多士拼大良炒鮮奶（柚子汁和醋）金華火腿調味，蛋白好香白滑，全個多士都是蝦肉，造成一個大多士，非常香口。🫶順德臘香蠔豉鬆招牌臘腸蠔豉，加上蠔豉新鮮香，用菜包在一起吃有口感，細粒粒超多粒粒臘腸蠔豉。🫶鬼馬咕嚕肉油炸鬼好爽脆，在碟上肉眼難分出油炸鬼和咕嚕肉，咕嚕肉脆皮肉質嫩滑，色澤分明、甜甜酸酸非常開胃。🫶雪菊石琉球做成一個個小福袋，包裹着蝦肉、西芹、馬蹄、豬肉，寓意荷包脹脹好豐富。🫶一口鮑魚豆腐件蠔油鮑魚芡汁，一件小鮑魚放在豆腐上很別致，豆腐煎香好滑。🫶特色小炒王餡豐富有白飯魚、叉燒、大蝦乾、韭菜，配啤酒🍻好一流。🫶秘製啫啫雞煲雞煲好有鑊氣，秘製醬汁味道👅好香和惹味，雞肉好嫩滑。🫶蝦乾魚肚芥菜煲全個湯主要用芥菜為中心好清甜，蝦乾好大條，我吃了好多魚肚，希望皮膚滑滑☺️🫶蛋白杏仁茶杏仁味很濃，原汁原味杏仁味，真材實料。十個人食得好飽好豐富，估不到順德菜幾有特色。
continue reading
今日我同一班大學老朋友聚舊😘咁岩大家都中意食中菜，我就揀左呢間私房菜！✨貪佢好食又好坐😍🛎 順德魚茸羹 第一味出場嘅係呢碗順德魚茸羹🐟口感真係十分滑順，魚茸鮮香可口👍🏻湯頭清清地但又充滿層次感😻食落去十分暖心，好特別！🛎 青芥冰燒雞 雞絲非常嫩滑，搭配青芥醬嘅微辣～幾刺激幾過癮喎🫶🏻夠曬開胃！🍗🥬🛎 鬼馬咕嚕肉 咕嚕肉甜酸適中，肉質鮮嫩👍🏻仲搭配脆口嘅油炸鬼，真係比較少見！🍖🍍🛎 荔芋香酥鴨 好岩打卡嘅一味😳香酥鴨外皮酥脆，但內裡嘅鴨肉保持柔嫩多汁，再搭配埋荔芋嘅香甜🦆🍠越食越有驚喜！🛎 生炒臘味糯米飯 最後呢個生炒臘味糯米飯，米飯粒粒分明🍚🍖臘味香氣四溢，我忍唔住食左兩碗呀！！！🛎 生磨蛋白杏仁茶 甜品方面我地就揀左可以美白去斑又同時排毒嘅生磨蛋白杏仁茶😏煲得好滑，杏仁嘅香氣簡直係撲鼻而來！🥛🌰仲有好多好餸😋我地食到好滿足🤣下次聚會都會揀返呢到！🛎 污糟蟹椒脆米粉 🛎 麵醬啫啫龍躉球煲 🛎 蝦乾魚肚大芥菜
continue reading
順德哥情，公司大佬特別鍾意食順德菜，月底跑到數仲會叫我哋去食好嘢，幫我哋寫好菜單，出咗糧食餐好的私房菜，可以慢慢嘆世界。名門私房菜位置方便，灣仔道旺中帶靜，主打順德菜，經驗豐富的廚師，獨特風味和烹調手工菜而聞名。杏汁燉白肺湯秋高氣爽，特別乾燥，喜歡杏汁燉白肺湯滋補功效，湯品內杏仁和豬肺，濃郁杏仁香味，潤肺止咳，飲落暖胃，喉嚨好舒服。家的食法，燉煮豬肺切成小塊軟滑，點一些豉油，簡單好味。青芥冰燒雞我第一次食青芥冰燒雞，很有驚喜！鮮嫩的雞肉和青芥醬的辛辣，即時食指大動。雞肉絲加上其他配料，成座山咁高，新年還可以撈起撈起。雞肉絲淋上青芥醬，撒上芝麻，香脆的口感，豐富菜餚，味道更佳，喜歡上冰燒雞了。順德臘香蠔豉鬆順德臘香蠔豉鬆，口感獨特，味道鮮香，美味廣東小吃。蠔豉鬆質地輕盈，口感果然酥脆，搭配臘腸和蠔豉的咸香，讓人一口接一口。臘腸的香氣與蠔豉的鮮味相得益彰，鹹香配生菜，當作下酒菜，十分誘人，味道多層次。順德煎釀鯪魚第一眼見到煎釀鯪魚就覺得係文化傳承，廣東飲食文化的一部分，傳承了技藝，多得還有老師傅。色香味俱全，外觀金黃誘人，色澤鮮亮，香氣撲鼻。新鮮食材，展現原汁原味，鯪魚肉質細膩，彈性釀餡。最吸引眼球的是工藝 ，上菜時我好奇的問一下，原來很花功夫的。將魚肉剁成魚漿，然後加入各種調味料和配料進行釀製，魚肉更加鮮香。煎鯪魚外酥內嫩，讓人回味無窮。污糟肉蟹椒香米色香味俱全，結合了新鮮鮮美的蟹肉和椒香米粉。蟹肉鮮嫩，海鮮天然甜味，鮮香四溢，一口咬下去就能感受到海的滋味。濃郁污糟蟹的香味，充滿蟹的鮮香。椒香米粉帶來微微的辣味，吸收了蟹肉和調味的精華，十分入味，口感滑嫩。油鴨肶拆肉膶香爆葱滑雞煲仔飯非常美味的廣東煲仔飯，油鴨肶和滑雞經過精心處理，肉質鮮嫩多汁，口感滑順。蔥、蒜香氣撲鼻，濃郁的油鴨肶香氣，讓人食欲大開。煲仔飯香滑的米飯，吸收了肉類的鮮香，好多人都鍾意食底部的鍋巴，香脆可口，味道不會過於油膩，膶香爆葱，絕對值得一試！蛋白杏仁茶口感滑順、香氣撲鼻的甜品，細膩柔和。
continue reading
同同事食生日飯，約左去灣仔食一間私房菜，這間之前食過，是不錯之選，直接推介同事去這間店舖一齊食生日飯。【椒鹽豆腐】 薄薄的一層脆皮為豆腐帶來酥香口感，內層仍然非常軟滑。【順德生拆魚肉羹】第一次食的魚肉羹，非常鮮味，因為湯頭會呈奶白色，慢慢起膠及帶黏性，又滑又香。【青芥冰燒雞】燒雞更為惹味，手撕雞包括有雞絲、芋頭絲、青瓜絲、海蜇等，有少少芥辣香味，在香港不是好多地方食到，這個值得推介。【順德臘香蠔豉鬆】用上蠔豉和臘味切粒炒出香氣，配上爽脆生菜，令整體甘香美味。【鬼馬咕嚕肉】咕嚕肉炸到外脆內軟，真是唔簡單，再配埋油炸鬼一起炒，酸酸甜甜開胃無比，必試一度菜式【黃金肉蟹粉絲煲】一來到鮮味十足，調味恰到好處，肉蟹同粉絲炒得非常乾身，又不.會太多醬汁。【京蔥爆牛仔柳】味道香濃，好有獲氣，最重要牛肉軟淋適中，不會過硬，炒了京蔥仲帶點辛香，【生炒臘味糯米飯】食咁多間這間糯米飯是最出色，米粒亦不會太過黏實，容易炒鬆，粒粒分明，也帶黏糯口感。【紫米露】飯後甜品紫米露，紫米是一種有補血同抗衰老功效，味道方面甜度適中，喜歡不太甜的朋友，這個是不錯的。
continue reading