Village Malaysian and Indian Restaurant

Open Now

Now Closed

今日秋高氣爽一於去西貢行吓，西貢碼頭一帶人頭湧湧，向普通道大馬路方向行，見到一間鄉村餐廳，英文意思係印度及馬來西亞餐廳，餐廳有室內亦有室外座位，我同大部分客人一樣選擇坐室外，又可睇吓風景同吸收新鮮空氣。馬來拼盤有炸蝦餅、春捲、炸洋蔥球、沙嗲串燒雞同咖哩蔬菜球，蝦餅好香有鮮蝦味，彈牙兼啖啖蝦肉，春捲包住椰菜，外脆內嫩好清新，咖哩球入面包滿蔬菜洋蔥等，用咖哩調味好濃郁，串燒雞串係沙嗲味，外層無濕嘅沙嗲，沙嗲味入晒雞串特別香非常惹味，呢個拼盤好出色，五種食物係突出到五種味道，味道濃而且唔會過份。馬來柚子沙律，主要用柚子肉，加入紫洋蔥同香草芫茜，未食就覺得好刺激，食落出奇地夾，加入咗秘製醬汁，完全無辛辣感覺，酸酸甜甜味道清新開胃。餐廳外圍有種植區，廚師接到訂單會即時採摘需要嘅植物食材，所以出品嘅食物係有種新鮮美味。