Video
Read full review
2023-07-01
120 views
方叔叔重慶老火鍋今日突然好想食辣，經過見到方叔叔有呢個九宮格麻辣大紅鍋挑戰，只要你夠膽揀呢個湯底，佢地呢個湯底就會免費，入面超多辣椒同埋紅油，愈滾愈辣，包你試完一定過到癮。食物配菜超多選擇，講到麻辣火鍋就一定要叫毛肚同埋鴨血，呢兩種配菜同麻辣可以話係絕配，毛肚大大塊，爽口唔會韌，鴨血都大大舊好結實，咬入口唔會痴牙。另外我地仲叫左手打墨魚滑，牛仔滑同埋魚籽蝦滑，樣樣都好彈牙，連埋麻辣湯底一齊滾完都仲食到海鮮既鮮味，真係抵讚。而肉類方面我都揀左嫩牛肉，十秒牛舌同埋鮮黃喉，嫩牛肉真係好嫩滑，而且好有牛味，值得encore，牛舌淥左十秒反而仲好彈口，幾過癮，未食過黃喉既一定要試下，果種爽脆口感好特別，而且唔會有腥味。食左咁多肉，我地都叫左同麻辣火鍋好岩配搭既萵筍條同鮮竹笙，萵筍爽口鮮甜，而竹笙就吸左麻辣湯既精華，好惹味。而今次既挑戰，店主都送左2支唯怡豆奶，同平時飲開既豆奶味唔同，佢堅果味重d，都幾特別，岩曬用黎解辣
今日突然好想食辣，經過見到方叔叔有呢個九宮格麻辣大紅鍋挑戰，只要你夠膽揀呢個湯底，佢地呢個湯底就會免費，入面超多辣椒同埋紅油，愈滾愈辣，包你試完一定過到癮。
食物配菜超多選擇，講到麻辣火鍋就一定要叫毛肚同埋鴨血，呢兩種配菜同麻辣可以話係絕配，毛肚大大塊，爽口唔會韌，鴨血都大大舊好結實，咬入口唔會痴牙。另外我地仲叫左手打墨魚滑，牛仔滑同埋魚籽蝦滑，樣樣都好彈牙，連埋麻辣湯底一齊滾完都仲食到海鮮既鮮味，真係抵讚。而肉類方面我都揀左嫩牛肉，十秒牛舌同埋鮮黃喉，嫩牛肉真係好嫩滑，而且好有牛味，值得encore，牛舌淥左十秒反而仲好彈口，幾過癮，未食過黃喉既一定要試下，果種爽脆口感好特別，而且唔會有腥味。食左咁多肉，我地都叫左同麻辣火鍋好岩配搭既萵筍條同鮮竹笙，萵筍爽口鮮甜，而竹笙就吸左麻辣湯既精華，好惹味。
而今次既挑戰，店主都送左2支唯怡豆奶，同平時飲開既豆奶味唔同，佢堅果味重d，都幾特別，岩曬用黎解辣
Post
