すき焼 森 (荷李活道) (Closed)

餐廳裝修以木系日式風格為主，有小小懷舊感覺，地方唔大，但環境都幾舒服。有吧枱亦有普通座位，不論坐咩枱都會有師傅席前烹調。餐廳主打關西風嘅壽喜燒，烹調方法都好正宗，師傅亦會一路煮一路介紹食物，令你可以享受美食之餘亦可以認識更多日本食物嘅知識。𝕃𝕦𝕟𝕔𝕙 $𝟝𝟠𝟘 + 𝟙𝟘%（另+$𝟙𝟘𝟘 牛舌）🔝前菜🔝紫菜蟹肉蒸蛋滿滿嘅蟹肉，好足料嘅蒸蛋。🔝野菜盛合有大白菜、皇帝菜、洋蔥、冬菇、蒟蒻麵、豆腐、大蔥。🔝A4近江牛牛肉分別有四個唔同部位，有肉眼 、西冷、兩款唔同嘅牛肩。西冷嘅牛味比較濃郁，而牛肩有兩塊，一塊比較瘦啲，另一塊就油脂分布得好靚，食落油脂滿滿入口即溶，而牛舌好重牛味肉質軟腍。🔝專人席前烹調🔝師傅係煎塊牛之前會先灑小小糖落去，然後再加壽喜燒汁，令肉質更加焦香😋🔝師傅將烹調好嘅牛分開一半再放入碗，然後再建議我哋一塊就咁食，另一塊沾上生雞蛋先食，沾上蛋汁令肉質更加滑溜，最後再食多啖白飯，實在太好味🤤🔝野菜盛合裡面嘅豆腐同蒟蒻麵都好好食，好入味。🔝滑蛋牛肉飯師傅會先煎香碎牛，然後再加入蛋一齊炒，最後再放埋落飯度，滑蛋牛肉飯咁就完成喇😋🔝芝麻味雪糕🔝咖啡