德美壽司

Open Now

Now Closed

難得唔洗排隊既德美壽司，今日終於見有機會試下。我地一行三人叫左一個二人餐同額外叫左D壽司食。二人餐已經好豐富，有簡單既前菜、沙律，三文魚刺身、天婦羅、一個牛肉鍋、鯖魚同炒飯。加加埋埋既份量都幾多，鯖魚燒到皮脆脆地，吱上檸檬汁帶左魚個味，炒飯就粒粒分明，唔會太乾。不過牛肉鍋既牛就差少少啦，肉質較靭，浪費左個湯底了。其餘既三文魚同天婦羅就普通。壽司質素係高既，我地叫左灸燒帶子、甜蝦同煎鵝肝帶子卷等。甜蝦同灸燒帶子夠曬份量而且係甜。鵝肝帶子卷就相對有D失望，唔太食到鵝肝味，感受唔到佢既特別。另外，值得一叫既係油甘魚腩，係厚切之餘，咬第一啖已經感受到魚油既香，一人兩舊不多也不少。最後，每人仲可以有一份小甜品，如果係大埔黎講，有呢種壽司店選擇，都幾滿足。